NGC 6818

De Wikipedia
Saltar a navegación Saltar a la gueta
NGC 6818
Picto infobox astronomy.png
Nebulosa de la pequeña xoya
Ngc6818.jpg
Datos d'observación:
Dómina J2000.0
Ascensión reuta 19h 43m 57.8s
Declinación -14° 09′ 11.9"
Distancia 6000 al
Magnitú aparente (V) 9,3
Tamañu aparente (V) 0,77 minutos d'arcu
Constelación Saxitariu
Carauterístiques físiques
Radiu 0,5 al
Otres designaciones PK 25-17.1
[editar datos en Wikidata]

NGC 6818 ye una nebulosa planetaria na constelación de Saxitariu de 48 arcsec de diámetru, asitiada a unos 10º del cúmulu globular M75. Alcuéntrase a unos 6000 años lluz de distancia de la Tierra. Afayóse'l 8 d'agostu de 1787 por William Herschel.

Imáxenes llograes col Telescopiu Espacial Hubble amuesen una cubierta esterior de forma aprosimao esférica y una burbuya interior de forma ovalada. Los astrónomos piensen qu'un fuerte vientu estelar proveniente de la estrella central ta creando la forma interior allargada, que de fechu ta "escapando" polos dos estremos de la exa mayor (na figura, embaxo derecha y enriba esquierda).[1]

La estrella central, de magnitú aparente 16,1, podría ser una estrella asemeyada al Sol, siquier tocantes a el so composición química. Sacante carbonu y nitróxenu, más abondosos que nel Sol, el restu de los elementos químicos presenten aprosimao la mesma proporción qu'en la nuesa estrella. Piénsase que la estrella central tien carauterístiques similares a les d'una estrella de Wolf-Rayet con una temperatura efectivo de siquier 140.000 K.[2]

NGC 6818 ye casi ximielga a NGC 3918, nebulosa planetaria tamién con dos estructures visibles, una interior allargada y una esterior cuasi-esférica.

Ver tamién[editar | editar la fonte]

Enllaces esternos[editar | editar la fonte]

Referencies[editar | editar la fonte]