Saltar al conteníu

Muses

De Wikipedia
(Redirixío dende Musas)
Mitoloxía Griega
Esti artículu forma parte de la serie
Mitoloxía Griega
Dioses

Divinidaes primordiales
Dioses ctónicos
Titanes
Dioses olímpicos
Divinidaes alegóriques
Ninfas, Semidioses y Criatures

Elencos

Personaxes

Tamién

Xenealoxía
Equivalencies cola Mitoloxía romana
Xeografía

Les muses son nueve divinidaes que personifiquen el camín pal correutu desendolcu de les artes mayores o del Mitu. Seguramente seyan d'orixe preolímpicu y poro hai dos versiones pa la so nacencia. La que basa l'escomienzu de les muses nos Antiguos Tiempos fala de que son fíes d'Uranu y Gaia; siendo asina deidaes primordiales. Pero, al igual que coles Moires, los griegos adautaonles al nuevu panteón faciéndoles fíes de Zeus y Mnemosine -la Memoria-. Asina pa faceles más olímpiques xunieronles al cortexu d'Apolu quien tomara con elles el nome y la figura d'Apolu Musaxeta.

Hai estremaes variedaes nel númberu de las muses, les más antigüen fálennos de trés, otres dicen que siete -Sicilia y Lesbos- en consonancia col númberu de planetes clásicos; formando asina la conocida teoría griega de l'harmonía musical del Universu; sicasí'l númberu clásicu de Muses ye'l de nueve que lu fixo Hesíodu na Teogonía.

Les Muses clásiques[editar | editar la fonte]

  1. Calíope, la primera ente toes asiste a los reis y curia de la poesía épico.
  2. Clío, la Historia; represéntala con un rollu d'escritura ente les manes.
  3. Érato, de la poesía amoroso; apaez con una llira o con Eros a los pies.
  4. Euterpe, la xiblata.
  5. Melpómene, la traxedia; representada con una mázcara tráxica y la maza.
  6. Polimnia, la pantomima; apaez con pose meditabunda sobre los coldos y un deu na boca.
  7. Talía, la comedia; una moza que se ri con corona de yedra, con mázcara de comedia y un bastón de pastor.
  8. Terpsícore, la danza y la poesía llixero. Diba con una llira acompangando a un coru de música de danzantes.
  9. Urania, l'astronomía.

A estes nueve muses clásiques Platón incluyó una más, Safo; conocida dende entós como la décima musa.

Referencies[editar | editar la fonte]

Enllaces esternos[editar | editar la fonte]