Muséu Etnográficu de Sama

Muséu Etnográficu de Sama
	muséu etnográficu
Llocalización
País	España
Autonomía	Principáu d'Asturies
Provincia	provincia d'Asturies
Conceyu	Grau
Parroquia	Sama
Llugar	La Veiga
Coordenaes	43°18′54″N 6°01′11″W / 43.31499°N 6.01961°O
	Muséu Etnográficu de Sama Muséu Etnográficu de Sama (Asturies)
Historia y usu
Apertura	4 marzu 2005

El Muséu Etnográficu de Sama alcuéntrase na parroquia de Sama, nel conceyu asturianu de Grau.

El muséu inauguróse el 4 de marzu de 2005 nes antigües escueles María Josefa nel barriu de La Veiga como fruto del trabayu de la Asociación Cultural "La Castañar". La mayoría de les pieces vienen de la coleición particular de Olvido Menéndez, vecina del pueblu, que donó ferramientes de campu, artículos de cocina, útiles d'oficina, etc. ^[1]^[2]^[3]

En total, tien más de 2000 pieces de la cultura popular y rural asturiana.

L'edificiu[editar | editar la fonte]

Les escueles son un edificiu d'estilu racionalista construyíu pol indianu Adolfo Prieto Álvarez, que-y puso'l nome de la so fía María Josefa, que morrió de neña. Encargo-y el proyeutu al arquiteutu madrileñu José Fonseca en 1930 y les obres terminaron en 1932. La escuela entamaría finalmente en 1938. Orixinalmente taba dividíu en dos seiciones, una pa los neños y otra pa les neñes.

Nos pasillos y les antoxanes hai un mosaicu d'azulexos que representen escenes d'El Quixote, la obra de Miguel de Cervantes. En total sumen 139 azulexos, fabricaos en Triana (Sevilla). Ente les escenes d'El Quixote hai otros 144 azulexos con frases y refranes populares.

Na parte esterior, frente a la fachada, topamos un bustu d'Adolfo Prieto, obra de Víctor Hevia Granda en 1945.