Montpelier (Vermont)

Llocalización de Montpelier dientru del condáu de Washington y del estáu

Montpelier ye la capital del estáu de Vermont, nos Estaos Xuníos, y sé del condáu de Washington. Con 7.855 habitantes(2010, U.S. Census Bureau) ye la más pequeña de toles capitales estatales. Forma, cola ciudá vecina de Barre, un área micropolitana nel centru del estáu. Ye vezu nel estáu referise a les dos ciudaes como les twin cities (ciudaes ximielgues). Nella asiéntense'l capitoliu de Vermont, sé de la rama llexislativa del gobiernu de Vermont, el muséu d'historia de Vermont y el New England Culinary Institute, una de les trés principales escueles de cocina de los Estaos Xuníos. El principal empleador de la ciudá ye'l gobiernu estatal, magar que ye tamién la sé de l'aseguradora National Life Group.

Montpelier City Hall (Casa del conceyu de Montpelier)

Vermont State House (Capitoliu estatal de Vermont)

Esti artículu ye un entamu. Puedes ayudar a la Wikipedia n'asturianu ampliándolu.