Miriam Seegar

De Wikipedia
Saltar a: navegación, buscar
Miriam Seegar
Miriam Seegar
Nome real Miriam Seegar Whelan
Nacencia 1 de setiembre de 1907
Bandera de Estaos Xuníos d'América Nueva York
Muerte 2 de xineru de 2011
(103 años)
Bandera de Estaos Xuníos d'América California
Pareya/es Tim Whelan (1933-1957)

Miriam Seegar Whelan (n. Greentown, Indiana, Estaos Xuníos, 1 de setiembre de 1907 - m. Pasadena, California, 2 de xineru de 2011) foi una actriz estaunidense del periodu de cine mudu.

Biografía[editar | editar la fonte]

Nacida na ciudá Greentown, en Indiana, dende la so adolescencia foi atraida pel mediu artísticu y presentóse al pie de otros intérpretes por diversu sitios.[1] Fixo'l so debút cinematográficu en 1928; la so primer película foi The Price of Divorce, na qu'actuó al pie de Frances Day y Rex Maurice. El filme nunca foi presentáu como tal, pero foi afechu con soníu y estrenáu dos años más tarde col títulu de Such Is the Law. Nel mesmu añu, interpretó un papel con característiques de lideralgu en Valley of the Ghosts. Mientres 1929 actuó en cuatro películes y en 1930, en seis producciones, incluyendo New Movietone Follies of 1930 y The Dawn Trail que fueron siguíes por un filme occidental de Buck Jones. Ente 1931 y 1932 fixo un total de seis películes (toes de clase B), retirándose por voluntá propia en 1933. Depués contraxo matrimoniu col direutor Tim Whelan (fináu en 1957) y tuvo dos fíos; más tarde atopó trabayu como decoradora d'interiores en Los Angeles.[1]

En 2000, con 93 años, apaeció nel documental I Used to Be in Pictures, que motivó dellos comentarios de munchos de los sos pares. Alloñada de l'actividá artística, finó'l 2 de xineru de 2011 a la edá de 103 años por causa de motivos rellacionaos cola so avanzada edá na so residencia de Pasadena, según informó la so fía Harriet Whelan. Pa esi entós, yera una de les últimes sobrevivientes del cine mudu, etapa de la que solo queden los actores infantiles Mickey Rooney y Baby Peggy, l'actriz Barbara Kent y la guionista Frederica Sagor Maas (toos tienen ente 90 y 110 años).

Referencies[editar | editar la fonte]

  1. 1,0 1,1 «PASSINGS: Miriam Seegar Whelan, Glenn R. Watson, Catherine 'Kay' Kerr, Edward P. Evans» (inglés). Estaos Xuníos: Los Angeles Times (5 de xineru de 2011). Consultáu'l 24 d'abril de 2011.

Enllaces esternos[editar | editar la fonte]