Miguel Tellado

Miguel Tellado
voceru
Diputáu nel Congresu de los Diputaos d'España
presidente
secretariu xeneral
voceru
Diputáu nel Parllamentu de Galicia
Vida
Nacimientu	Ferrol, 21 de febreru de 1974 (50 años)
Nacionalidá	España
Estudios
Estudios	Universidá de Santiago de Compostela
Llingües falaes	castellanu; gallegu
Oficiu	políticu
Emplegadores	Ayuntamiento de Ferrol (es) (2003 – 2007); Diputación Provincial de A Coruña (es) (2007 – 2009)
Creencies
Partíu políticu	Partido Popular

Miguel Ángel Tellado Filgueira (21 de febreru de 1974, Ferrol) ye un políticu gallegu. Anguaño ye'l secretariu del Partíu Popular de Galicia (PPdeG).

Biografía

Llicenciáu en Ciencies Polítiques y Sociales pola Universidá de Santiago de Compostela. Dende 1997 trabayó como periodista en dellos medios de comunicación llocales de la contorna de Ferrolterra. Foi xefe de prensa del Conceyu de Ferrol (2003-2007), xefe de prensa del Grupu Popular na Diputación d'A Coruña (2007-2009), xefe de Gabinete de la Consellería de Traballo e Benestar (2009-2011) y xefe de Gabinete de l'alcaldía de Ferrol tres les eleiciones municipales de 2011. Entró nel Parllamentu de Galicia en 2012 y, anguaño, ye secretariu xeneral del PPdeG.

Trayeutoria política

Nes Eleiciones al Parllamentu de Galicia de 2012 ocupó'l númberu cuatro de la candidatura'l PP pola provincia d'A Coruña. Na so condición de Diputáu Autonómicu na IX Llexislatura del Parllamentu de Galicia ye voceru del PPdeG n'asuntos d'emplegu. Foi secretariu de la Comisión 3ª d'Economía y Presupuestos y vocal de la Comisión 5ª de Sanidá, Política Social y Emplegu y de la Comisión 6ª d'Economía ya Industria. Nesta Comisión s'encargó de los asuntos rellacionaos cola contorna de Ferrol, y especialmente del relativu al sector naval.

El 16 de setiembre de 2014 el Comité Executivu del Partíu Popular de Galicia designó-y voceru'l partíu, cargu nel qu'asocedió a Paula Prado del Río.

En mayu de 2016, nel marcu del XVI Congresu del PPdeG, Alberto Núñez Feijóo propúnxo-y pa convertise en secretariu xeneral de la formación asocediendo a Alfonso Rueda Valenzuela como númberu dos de la formación.

Tres les Eleiciones al Parllamentu de Galicia de 2016 foi reelixíu diputáu autonómicu. Nel Grupu Parllamentariu Popular de la Cámara gallega ocupa'l cargu de viceportavoz. Amás ye voceru del PPdeG na Comisión 6ª d'Industria, Enerxía, Comerciu y Turismu y voceru del Grupu nel área d'Industria y Emplegu.

En febreru de 2017 entró a formar parte del Comité Executivu Nacional del Partíu Popular.

Ver tamién

Referencies

↑ ^1,0 ^1,1 ^1,2 URL de la referencia: https://elpais.com/espana/2024-10-13/miguel-tellado-latigo-y-escudo.html.

Enllaces esternos

[fb4ebdc152d6ae2fe3ca95b894fe55857a70cfac-1] 1,0 ^1,1 ^1,2 URL de la referencia: https://elpais.com/espana/2024-10-13/miguel-tellado-latigo-y-escudo.html.

[1]