Microorganismu

De Uiquipedia
Saltar a: navegación, buscar

Un microorganismu, tamién nomáu microbiu o organismu microscópicu, ye un ser vivu que namás que se pue ver col microscopiu. La ciencia qu'estudia a los microorganismos ye la microbioloxía, «micro» del griegu μικρο (pequeñu) y «bio» del griegu βιος (vida) seres vivos pequeños.

Los microorganismos son formes de vida perpequeñes que sólu puen ser observaos al traviés del microscopiu. Nesti grupu tán incluyíes les bacteries, los virus, los mofos y les llevadures. Dellos microorganismos puen causar el deterioru de los alimentos ente los que s'atopen los microorganismos patóxenos, qu'al empar puen ocasionar enfermedaes por mor del consumu d'alimentos contaminaos. Adicionalmente, esisten dellos microorganismos patóxenos que nun causen un deterioru visible nel alimentu. Sicasí, per otru llau esisten tamién dellos microorganismos que son beneficiosos y que puen ser emplegaos nel procesamientu de los alimentos cola finalidá de prollongar el so tiempu de vida o de camudar les propiedaes de los mesmos (por exemplu, pa la fermentación llevada a cabu pa la fechura de les salchiches, el yogur y los quesos).

Son organismos dotaos d'individualidá que presenten, a diferencia de las plantes y los animales, una organización biolóxica elemental. Na so mayoría son unicelulares, anque en dellos casos se trate d'organismos cenóticos compuestos por célules multinucleades, o inclusive multicelulares.

Dientro de los microorganismos atópense organismos unicelulares procariotes, como les bacteries, y eucariotes, como los protozoos, una parte del ocle y los fungos, ya inclusive los organismos de tamañu ultramicroscópicu, como los virus.

Los microbios tienen bayura formes y tamaños. Si un virus tuviere'l tamañu d'una pelota de tenis, una bacteria proporcionalmente correspondería a media cancha de tenis y una célula eucariota sedría como un estadiu de fútbol.