Memoria colectiva
Memoria coleutiva ye un términu acuñáu pol filósofu y sociólogu Maurice Halbwachs que fai referencia a les alcordances y memories qu'atesora y destaca la sociedá nel so conxuntu. Nos sos estudios fala de la esistencia d'una memoria individual que ta rellacionada direutamente a la memoria de grupu atopándose siempres en constantes cambeos. La memoria ye siempres social indicalo el fechu de que l'alcordanza namái remanez en rellación con persones, grupos, llugares o pallabres. Asina los marcos sociales de la memoria que determina a partir d'estudiar los procesos sociales de memorización coleutiva, compónse de combinaciones d'imáxenes, idees o conceutos y representaciones. La memoria coleutiva ye compartida, tresmitida y construyida pol grupu o la sociedá. La memoria coleutiva ta rellacionada con fenómenos d'opinión pública.
L'alderique sobre'l términu foi tomáu por Jan Assmann, quien escribió Das kulturelle Gedächtnis (La memoria cultural). Assmann estrema ente la Memoria cultural y la Memoria comunicativa: ente que la primera cumple una función d'almacenamientu, la segunda realiza la función d'una memoria de tolos díes que s'asitia na actualidá.
Intelectuales como Pablo Connerton ampliaron el conceutu pa incluyir al cuerpu humanu como un sitiu pa los procesos coleutivos de retención y espardimientu de la memoria. Tamién son significativos les contribuciones de Pierre Nora en cuanto al rol del llugar y los espacios de memoria compartida (la "lieux de mémoire" que toos vivimos).
La memoria coleutiva y la memorialización[editar | editar la fonte]
La memoria coleutiva d'una nación ta representada en parte polos monumentos que decide alzar. La memoria pública ta consagrada nos monumentos, como por casu dende'l monumentu que conmemora l'Holocaustu en Berlín al Monumentu a los Veteranos de Vietnam en Washington DC. Tou lo qu'un país escueye pa honrar la memoria nel monumentu físicu, o seique más significativamente, qu'eventos nun recordar, ye un indicador de la memoria coleutiva.
La memoria coleutiva sofítase tamién al traviés d'una producción continua de formes de representación. Na nuesa dómina los medios de comunicación - y seique sobremanera mientres la última década, de la creciente digitalización - esto xenera un fluxu de, y producción de memories de segunda mano (vease, por casu James Y Young). Les narratives particulares y les imáxenes reprodúcense y reformulen, pero tamién se cuestionen ya impugnen al traviés d'imáxenes nueves y asina socesivamente. La memoria coleutiva de güei difier enforma de la memoria coleutiva d'una cultura oral, onde nun esiste una téunica d'impresión o tresporte. Esto contribuyó a la producción de les comunidaes imaxinaes (vease Benedict Anderson), onde llegamos a compartir un sentíu d'heriedu y puntos de mancomún con munchos seres humanos que nunca s'axuntaron - como na manera de qu'un ciudadanu puede sentir una especie de "parentescu" cola xente de la so nación, rexón o ciudá.
El conceutu de memoria coleutiva, primeramente desenvueltu por Halbwachs, esploróse y espandióse dende dellos ángulos, dalgunos d'ellos preséntense de siguío.
James Y. Young introdució la noción de "legáu de la memoria" (n'oposición a la memoria coleutiva), la memoria de marcáu de por sí estazáu, arrexuntaes y de calter singular, ente que Jan Assmann desenvuelve la noción de memoria comunicativa", una variedá de la memoria coleutiva basada na comunicación cotidiana. Esti tipu de memoria ye similar a los intercambios nuna cultura oral o les memories recoyíes (y feches coleutives) al traviés de la historia oral. Como otru subformulario de memories coleutives, Assman menta formes separaes de tolos díes, esto pueden ser especialmente puntos fixos o materializdos, como por casu testos y monumentos
La teoría de la memoría coleutiva tamién s'aldericó polos residentes de la ex-Hiroshima, y sobrevivientes de la bomba atómica, Kiyoshi Tanimoto na so xira polos Estaos Xuníos como un intentu de consiguir sofitu y fondos pa la reconstrucción de la Ilesia Metodista Memorial n'Hiroshima. La teoría de que l'usu de la bomba atómica fuera siempres sumar a la memoria coleutiva del mundu y va sirvir nel futuru como una alvertencia contra estos dispositivos. Ver la novela de John Hersey: Hiroshima.
La idea tamién foi aldericada más apocayá en La Profecía de Celestino y les noveles posteriores escrites por James Redfield como un procesu continuu que conduz a la trancendancia final d'esti planu d'esistencia. La idea de qu'un desenvolvimientu futurista del inconsciente coleutivu y de la memoria coleutiva de la sociedá dexa un mediu col cual unu puede trescender de la esistencia ye una idea que s'espresa en delles variantes de les relixones de la Nueva Era.
Bibliografía[editar | editar la fonte]
- Jan Assmann: Das kulturelle Gedächtnis, Schrift, Erinnerung und politische Identität in frühen Hochkulturen. München 1997.
- Jennifer Cole: Forget colonialism? : sacrifice and the art of memory in Madagascar, Berkeley [o.a.] : Univ. of California Press, 2001[1]
- Astrid Erll: Kollektives Gedächtnis und Erinnerungskulturen. Eine Einführung: Metzler, Stuttgart/Weimar 2005, ISBN 3-476-01893-8.
- Astrid Erll/Marion Gymnich/Ansgar Nünning (Hrsg.): Literatur – Erinnerung – Identität. Theoriekonzeptionen und Fallstudien. WVT, Trier 2003.
- Maurice Halbwachs: La mémoire collective. Presses Universitaires de France, Paris [1939] 1950, (Einleitung: Mary Douglas); deutsch: Das kollektive Gedächtnis. Fischer, Frankfurt am Main [1985] 1991, ISBN 3596273595.
- Institut für Kulturpolitik der Kulturpolitischen Gesellschaft (Hrsg.): Erinnerungskulturen und Geschichtspolitik (Jahrbuch für Kulturpolitik Band 9), Klartext, Bonn/Essen 2009, SBN 978-3-8375-0192-6.
- Nicolas Pethes/Jens Ruchatz (Hrsg.): Gedächtnis und Erinnerung. Ein interdisziplinäres Lexikon. Rowohlt TB, Reinbek 2001, ISBN 3-499-55636-7.
- Harald Welzer, Das kommunikative Gedächtnis. Eine Theorie der Erinnerung. Beck, München 2002,
Referencies[editar | editar la fonte]
Enllaces esternos[editar | editar la fonte]
Wikimedia Commons tien conteníu multimedia tocante a Memoria colectiva.
