Mataram

De Wikipedia
Saltar a navegación Saltar a la gueta
Mataram
Mataram Mall Jl Panca Usaha side.jpg
Lambang Kota Mataram.png
Alministración
PaísBandera de Indonesia Indonesia
ProvinciesIsles menores de la Sonda occidentales
Xeografía
Coordenaes 8°35′S 116°07′E / 8.58°S 116.12°E / -8.58; 116.12Coordenaes: 8°35′S 116°07′E / 8.58°S 116.12°E / -8.58; 116.12
Lokasi NTB Kota Mataram.svg
Superficie 61,30 km²
Altitú media 24 m
Demografía
Población 402 296 hab.
Densidá 6.600 hab/km²
Más información
www.mataramkota.go.id/
Cambiar los datos en Wikidata

Mataram ye la ciudá más importante de la islla de Lombok, n'Indonesia, y ta asitiada na mariña oeste de la islla. Ye la capital y ciudá más grande de la provincia de Nusatenggara Occidental (n'indonesiu: Nusa Tenggara Barat), y tien l'estatutu de kota. La so población total yera de 402.296 habitantes en 2008.

Organización de la ciudá[editar | editar la fonte]

Cuatro ciudad constitúin la área urbana de Mataram: d'oeste a este, éstes son Ampenan, Mataram, Cakranegara (Cakra) y Sweta. Toes tán xuníes administrativamente y nun s'estremen les unes de les otres.

  • Ampenan ye'l puertu vieyu, anguaño dedicáu a la pesca. D'antiguo yera'l puertu principal de la islla de Lombok, polo que s'atopen ellí cases antigües y una población entemecida d'orixe china, árabe y malaya. El muséu Negeri Nusa Tenggara ufierta un panorama de la cultura de Lombok.
  • Mataram ye'l centru alministrativu de la provincia, onde se concentren edificios públicos y cases residenciales. La so plaza principal sirve pa esposiciones d'arte, teatru, baille y representaciones de wayang kulit (teatru de títeres).
  • Cakranegara ye'l principal centru comercial de la islla, onde viven importantes comunidaes chines y balinesas. Ellí atópase'l templu Meru, construyíu en 1720 pa los habitantes hindús de Lombok. Ye'l templu más grande de la islla.
  • Sweta ye un nexu de tresportes pa tola islla.

Mataram ta estremada en 6 distritos alministrativos o kecamatam: Cakranegara, Mataram, Selaparang, Pejanggik, Ampenan y Sekarbela.

Demografía[editar | editar la fonte]

Al igual qu'en tola islla de Lombok, la mayoría de los habitantes de Mataram son d'etnia sasak que ye'l pueblu autóctonu de la islla. La ciudá tien tamién importantes minoríes de balineses, chinus, chinos d'Indonesia y árabes d'Indonesia descendientes de yemeninos.

Tresportes[editar | editar la fonte]

Mataram yá nun tien aeropuertu nes sos llendes. L'antiguu aeropuertu Selaparang, asitiáu en Ampenan, cerró'l 30 de setiembre de 2011. A otru día, el 1 d'ochobre de 2011, entró en serviciu'l nuevu aeropuertu internacional de Lombok (Bandara Internasional Lombok) (IATA: LOP, ICAO: WADL), más alloñáu de la zona urbano y asitiao nel kabupaten de Lombok Central, cerca de la pequena ciudá de Praya.

Notes y referencies[editar | editar la fonte]