Margarita Lorenzo de Reizábal

De Wikipedia
Saltar a navegación Saltar a la gueta
Margarita Lorenzo de Reizábal
Vida
Nome completu Margarita Lorenzo de Reizábal
Nacimientu

Bilbao1967

(51/52 años)
Nacionalidá Bandera d'España España
Estudios
Estudios Universidá del País Vascu
Oficiu
Oficiu direutora d'orquesta y compositora
Cambiar los datos en Wikidata

Margarita Lorenzo de Reizábal(1967Bilbao),[1] ye una direutora d'orquesta y compositora española.

Nació en Bilbao, onde realizó los estudios Cimeros de Pianu y Composición con Premios d'Honor Fin de Carrera nes disciplines de Solféu, Pianu, Composición, Orquestación, Arte, Hestoria de la Música y Estética musical. Ye llicenciada en Medicina y Ciruxía pola Universidá del País Vascu.

Dende temprana edá realizó un intensu llabor concertista como pianista solista y de cámara, siendo pianista de la Orquesta Sinfónica de Bilbao dende 1982 hasta 1998.

Realizó los estudios de Direición d'Orquesta n'Inglaterra colos maestros R. Saglimbeni, G.Hurst y N. Thompson. En 2001 realizó un Master de Direición d'Orquesta en Surrey (Inglaterra), perfeccionando la so técnica colos maestros R. Houlihan, D. Ham y G. Hurst. N'agostu del mesmu añu foi escoyida d'ente 48 mozos direutores de too el mundu pa dirixir la Orquesta del Cursu Internacional de Direición d'Orquesta en Canford (Inglaterra). Realizó cursos de Direición d'Orquesta y d'Ópera con Jesús López Cobos en Madrid.

En 1987 llogró por oposición la cátedra d'Harmonía-Composición del Conservatoriu Municipal de Lejona. Dende 1993 ye Direutora Titular de la Nueva Orquesta de Lejona, al mandu de la cual realizó alredor de 120 conciertos, según la grabación de 6 discos compactos con obres sinfóniques, sinfónicu corales y repertoriu d'obres de compositores vascos contemporaneos. Estrenó obres de los compositores K. Jenkins, J. Rutter, Y. Sauter, X. Sarasola, etc. Dirixó nes principales sales de conciertos del País Vascu, según n'otres comunidaes del estáu y Francia. Al mandu de la Nueva Orquesta de Lejona (JOL) grabó 3 programes pa “El Conciertazo” de RTVE que dirixe Fernando Argenta.

Impartió cursos internacionales de pianu y música de cámara y empobináu cursos d'Analises y Educación Musical pal profesoráu de la Comunidá Autónoma Vasca, promovidos pol Gobiernu Vascu, Diputación de Vizcaya y l'Universidá del País Vascu. Asina mesmu, ye coautora del llibru “Analís Musical: claves pa entender ya interpretar la música” (Ed. Boileau, Barcelona 2004). En mayu de 2009 publicóse'l so nuevu llibru y DVD “NEL PODIU:Manual de Direición d'Orquesta, Bandes, Coros y conxuntos ”, por encargu de la mesma editorial catalana.

Cabo destacar los diversos premios internacionales llograos nel campu de la composición coral y como arreglista. Tien publicaes delles colecciones d'arreglos orquestales sobre obres de compositores vascos y collaboró como responsable pedagóxica del proyeutu musical que sol títulu “Aho Bete Kanta” arrexunta arreglos instrumentales de más de 200 temes de la música pop, folclore y rock de los postreros 40 años de la música vasca. Dend'avientu de 2007 ye profesora per oposición del Departamentu de Composición del Centru Cimeru de Música del País Vascu (Musikene). Anguaño ye Direutora del Departamentu d'Analís, Composición y Direición en Musikene.

Referencies[editar | editar la fonte]

Margarita Lorenzo de Reizábal