Manuel Pedregal Luege
Manuel Pedregal Luege | |
|---|---|
| Vida | |
| Nacimientu | Grau, circa 1876 |
| Nacionalidá |
 España |
| Muerte | Madrid, 13 d'abril de 1936 (59/60 años) |
| Oficiu | maxistráu |
 | |
Manuel Pedregal y Luege (circa 1876, Grau – 13 d'abril de 1936, Madrid) foi un xuez y maxistráu asturianu. En Grau, la so llocalidá natal, diéron-y el so nome al "parque Manuel Pedregal".
Trayectoria[editar | editar la fonte]
Foi presidente de sala de l'audiencia provincial de Valladolid. El 10 de xunetu de 1931 nomáronlu maxistráu de l'audiencia provincial de Madrid por xubilación de Julio de Torres Gisbert.[1] Darréu foi nomáu maxistráu del Tribunal Supremu d'España. Tres l'atentáu al diputáu socialista Luis Jiménez de Asúa, el 12 de marzu de 1936, tuvo al mandu de la instrucción xudicial. Amás, con anterioridá, sentenciara a un mozu falanxista a una llarga condena pol asesinatu d'un vendedor de periódicos d'ideoloxía socialista.[2]
Pedregal morrió víctima d'un atentáu terrorista'l 13 d'abril de 1936, cuando se movía pol paséu de Luchana, esquina a la cai Covarrubias, de Madrid. L'atentáu achacóse a pistoleros de Falanxe Española de les XONS.[3]
Referencies[editar | editar la fonte]
- ↑ Decretos, na Gaceta de Madrid, númberu 192, de 11 de xunetu de 1931, páx. 303, na web del BOE, consultáu'l 20 de marzu de 2023.
- ↑ La Justicia de la República, por José Luis Galbe Loshuertos, Madrid, Edit. Marcial Pons Historia, 2011, páx. 141.
- ↑ Decretu, na Gaceta de Madrid, númberu 121, de 30 d'abril de 1936, páx. 893; en web del BOE, consultáu'l 18 de marzu de 2023.
Enllaces esternos[editar | editar la fonte]
| Control d'autoridaes |
|
|---|
Datos: Q117197142