Luis Fernández López

De Wikipedia
Saltar a navegación Saltar a la gueta
Luis Fernández LópezPicto infobox character.png
Vida
Nacimientu Uviéu29  d'abril de 1900
Nacionalidá Bandera d'España España
Fallecimientu

París25  d'ochobre de 1973

(73 años)
Estudios
Estudios Escuela de la Lonja Traducir
Llingües castellanu
francés
Oficiu
Oficiu pintor
Cambiar los datos en Wikidata

Luis Fernández López (Uviéu, 29 d'abril de 1900 - París, 25 d'ochobre de 1973), foi un pintor asturianu.

Fíu del logroñés Enrique Fernández, catedráticu de la Universidá d'Uviéu. Güérfanu primero de madre y depués de padre, en 1909 él y los sos hermanos treslládense a vivir a Madrid con so güelu maternu, que morrerá poco depués, separtándose los hermanos y diendo él a vivir a Barcelona con so tíu maternu. Ésti va facelu abandonar los estudios, entrando como aprendiz nuna xoyería de les Rambles. En 1912 matricúlase nel turnu nocturnu de la Escuela de Belles Artes de Barcelona, la Llotja, mientres sigue desempeñando diferentes oficios pa pagase los estudios.

Depués de finalizar los sos estudios treslládase en 1924 a París, onde entra en contautu col movimientu artísticu de Montparnasse mientres se gana la vida trabayando nuna imprenta. Ellí conoz a artistes como Brancusi, Braque, Ozenfant... Tamién entra en contautu col escultor Julio González Pellicer, tamién español. Nésti ambiente entrará en contautu socesivamente col Purismu, deriváu del Cubismu, y col Neoplasticismu, a los que seguirá más sero'l Surrealismu. A partir de 1933 dedícase esclusivamente a la pintura. Entama una rellación d'amistá con Picasso, col que collabora en diferentes proyeutos y que tendrá una gran influencia nuna etapa de la so obra.

La obra de Fernández dirá evolucionando de forma progresiva hacia un mundu personal y herméticu. El so trabayu vien marcáu por una manera de trabayar lenta y analítica, na que s'analiza non sólo la forma, sinón tamién l'espíritu del oxetu y nel que cada pincelada alcuéntrase fondamente meditada. La so escasa producción y la mala suerte colos marchantes fadrán qu'a lo llargo de tola so carrera viva al marxe del éxitu económicu que tienen otros artistes de la so xeneración.

Nos sos últimos años la so obra ye recuperada pola crítica, realizándose en 1972 una esposición antolóxica entamada pol Centru Nacional d'Arte Contemporaneu francés en París. Por más qu'esta muestra nun llegará a vese n'España, circunstancia que-y resulta especialmente dolorosa al pintor. Morrió'l 25 d'ochobre de 1973 en París, siendo enterráu, por deséu propiu, en Cantenac, llocalidá próxima a Burdeos, xunto a Esther, la so primer muyer.

La mayor parte de la so obra consérvase na Colección d'Arte de Telefónica y nel Muséu de Belles Artes d'Asturies.

Bibliografía[editar | editar la fonte]

  • Louis Fernández, catalogu de la esposición del Centre National d'Art Contemporain (CNAC), Paris, 28 d'abril - 6 de mayu de 1972.
  • Claude Esteban, Luis Fernández et la réalité intérieure, in C. Esteban, Traces, figures, traversées : essais sur la peinture contemporaine, Galilée, 1985.
  • Luis Fernández, catalogu de la esposición de la Fundación Arte y Tecnología, Palacete del Embarcadero, Santander, setiembre de1993.