Los Botines

De Wikipedia
Saltar a navegación Saltar a la gueta
Los Botines
Orixe España
Xéneru(os) Rock
Miembros
Camilo Sesto
Discogs 2801454
[editar datos en Wikidata]

Los Botines fueron una banda española de Rock fundada en Madrid a finales de 1964 por Manolo Pelayo (voz y guitarra solista), Manuel Varela (batería) y Francisco Candela (guitarra rítmica); toos ellos componentes, enantes, del grupu Los Diablos Negros. Cola adición de los suizos Daniel Grandchamp (órganu) y Dominique Varcher (baxu) configúrense definitivamente como quintetu.

Biografía[editar | editar la fonte]

La banda surdió animada pol ésitu de Los Brincos y col enfotu de aposta-yos el primer puestu nes llistes d'ésitos nacionales.[1] Fichaos pola discográfica Columbia (que nun tien de ser confundida cola multinacional del mesmu nome), son llanzaos con una importante campaña nos medios nacionales ya inclusive lleguen a actuar como teloneros de The Animals.[2]

En 1965 apaez el so primer discu, un Ep con cuatro tarrezas ente los que destaca como llanzamientu principal una versión del famosu cantar «Chicu ye yé». Pero, anque llogra ciertu ecu a nivel comercial y mediáticu, los resultaos nun son los que la compañía esperaba. De resultes, prodúcense una serie de cambeos de formación, y los músicos suizos abandonen el grupu pa ser reemplazaos, socesivamente (non coles mesmes), por dos británicos, que tamién duren escasos meses.[3]

Asina, configuraos como cuartetu, graben un nuevu Ep, basáu casi puramente en versiones y publicáu primero que termine l'añu. Tampoco esta vegada les vientes son les previstes. Tres la salida del postreru de los sos componentes estranxeros, el grupu vuelve constituyise (agora con miembros puramente españoles) en quintetu cola adición de dos antiguos componentes de Cefe y Los Xigantes.[4] Pero'l principal cambéu tien llugar col abandonu, a principios de 1966, del so líder y cantante, Manolo Pelayo; que dexa la banda pa siguir una carrera en solitariu.[5]

Pa sustituyi-y entra un mozu valencianu llamáu Camilo Blanes, que tocara en Los Daysons. Con él, el grupu empecipia un periodu de mayor ésitu. En 1966, en fichando con Sonoplay, publiquen un single con un soníu más aspru, más cercanu a la so vocación orixinal, que llogra meyores resultaos que los sos discos anteriores.[6][7] Amonten el númberu de conciertos y apaiciones televisives y, sobremanera, rueden dos películes: «Hamelín» (1966; protagonizada pol roqueru Miguel Ríos) y «Los chicos del Preu» (1967; na que Camilo Blanes comparte papel estelar cola cantante ye-yé Karina).[8]

Curiosamente, en 1967, cuando'l grupu taba empezando a adquirir bastante fama y ésitu comercial y críticu, la formación #eslleir. El so vocalista, Camilo Blanes empecipiaría  tres  

año dempués una esitosa carrera como cantante melódicu sol nome de Camilo Sesto; practicando un estilu bien alloñáu del rock que caracterizara a la banda, .[9]

Discografía[editar | editar la fonte]

  • Ep: «Chicu ye yé / Colaré / Aleluya Surf / Lo que sientes por mi» (Columbia, 1965)
  • Ep: «Capri, c'est fini / I got you babe / Pan y mantequilla / Yesterday» (Columbia, 1965)
  • single: «Te voi esplicar / Yes un vagu» (Sonoplay, 1966)

Referencies[editar | editar la fonte]

  1. Érase una vez. Los Brincos y Juan y Junior.. Efe Eme. ISBN 8495749025.
  2. «Biografía de Los Botines». La Fonoteca (11 de noviembre de 2010).
  3. Historia del Pop español. Guía del Ocio.
  4. Bienvenido Mr Rock: Los primeros grupos hispanos (1957-1975). Iberautor Promociones Culturales-SGAE. ISBN 9788480484664.
  5. «Los Diablos Negros y Los Botines - Todas sus grabaciones (1963-1966)». Rama Lama Music. 2003. 
  6. Bienvenido Mr Rock: Los primeros grupos hispanos (1957-1975). Iberautor Promociones Culturales-SGAE. ISBN 9788480484664.
  7. Sólo para fans. La música yeyé y pop española de los años 60. Alianza Editorial. ISBN 8420694304.
  8. Historia de la Música Pop española. Alianza Editorial. ISBN 8420602248.
  9. Bienvenido Mr Rock: Los primeros grupos hispanos (1957-1975). Iberautor Promociones Culturales-SGAE. ISBN 9788480484664.

Enllaces esternos[editar | editar la fonte]

  • Los Botines biografía y crítiques de discos en Lafonoteca

Ver tamién[editar | editar la fonte]

  • Rock d'España