Llibru d'Aneirin

De Wikipedia
Saltar a navegación Saltar a la gueta
Llibru d'Aneirin
Book.of.Aneirin.facsimile.png
manuscritu
Datos
Llingua de la obra galés
Cambiar los datos en Wikidata
Facsímil de la páxina 9 del Llibru d'Aneirin, NLW Llyfr Aneirin, Cardiff MS 2.81.

El Llibru d'Aneirin (en galés: Llyfr Aneirin) ye un manuscritu de finales del sieglu XIII que contién poesía escrita en galés antiguu y mediu atribuyida al autor britanu del norte Aneirin.

El manuscritu caltiense na Biblioteca Nacional de Gales, Aberystwyth.[1] La obra foi probablemente escrita cerca del añu 1265, anque se cree que ye una copia del manuscritu orixinal del sieglu IX.[1] La poesía caltendríase viva al traviés de la tradición oral. El poema más conocíu qu'apaez nesti manuscritu ye Y Gododdin, unu de los primeres en llingua galesa que rinde homenaxe a los guerreros de Gododdin (Lothian na Escocia moderna) que fueron asesinaos na batalla de Catraeth (probablemente en Catterick, en North Yorkshire) barganal del añu 600. Delles partes del poema paecen ser contemporánees a Aneirin. La otra poesía, non venceyada a esta batalla, inclúi, ente otros, un poema curtiu dedicáu a un neñu de nome Dinogad, fíu d'un home que diba de caza y pesca.

L'historiador y anticuariu escocés William Forbes Skene incluyó esti llibru ente los cuatro que formen parte de la so obra The Four Ancient Books of Wales. Los trés llibros restantes son el Llibru negru de Carmarthen, el Llibru de Taliesin y el Llibru colloráu de Hergest.[2]

Referencies[editar | editar la fonte]

  1. 1,0 1,1 (n'inglés) Historic Book of Aneirin put online by National Library. 8 d'avientu de 2013. https://www.bbc.co.uk/news/uk-wales-mid-wales-25259178. Consultáu 'l 20 d'agostu de 2018. 
  2. Meic Stephens (ed.), Companion to Welsh Literature. Artículu: "The Four Ancient Books of Wales".

Enllaces esternos[editar | editar la fonte]