Llanfairpwllgwyngyllgogerychwyrndrobwllllantysiliogogogoch

De Wikipedia
Saltar a: navegación, buscar

Llanfairpwllgwyngyllgogerychwyrndrobwllllantysiliogogogoch (de cutiu embrivíu Llanfair PG o Llanfairpwllgwyngyll) ye un pueblu de la isla d'Anglesey, en Gales. Ye'l topónimu más llargu del Reinu Xuníu y el terceru más llargu del mundu.[1]

Nome[editar | editar la fonte]

Cartelu de la estación del pueblu, con una pronunciación "averada" n'inglés.
Estación ferroviaria con traducción del nome n'inglés.

En galés, el nome del pueblu significa 'ilesia de Santa María nel buecu de l'ablanar blanca cerca d'un torbolín rápidu y la ilesia de San Tisilio cerca del covarón coloráu'.

Sicasí, el nome del pueblu embrívese de cutiu como Llanfair PG (Llanfairpwll pa los galeses). Esto basta pa estremalu de los otros llugares de Gales llamaos Llanfair.

El nome decidióse nos años 1860 pol conseyu del pueblu, principalmente pa tener el privilexu de tener el nome más llargu d'una estación ferroviaria en Gran Bretaña. Esti nome nun pue considerase puramente dichu como un nome galés; el nome orixinal del sitiu ye Llanfair Pwllgwyngyll, y representa 16 lletres nel alfabetu galés y 19 nel inglés.

Pronunciación[editar | editar la fonte]

El nome completu del pueblu pronúnciase n'AFI como sigue:[2]

[ˌɬan.vair.puɬ.ˌɡwɪ̈n.ɡɪ̈ɬ.ɡo.ˌɡer.ə.ˌχwərn.ˌdrob.oɬ.ˌɬan.tɪ̈s.ˌil.jo.ˌɡo.ɡo.ˈɡoːχ], o bien [ɪ] en cuenta de [ɪ̈] y [pʊɬ, drob.ʊɬ] en cuenta de [puɬ, drob.oɬ].

La pronunciación pue averase n'asturianu como Hlan-vair-puhl-güin-guihl-go-gue-ra-juern-drob-uhl-hlan-ti-si-lio-go-go-goj, onde'l grupu hl representa una consonante inesistente n'asturianu: la [1]consonante fricativa llateral alveolar sorda, que se representa en galés como ll y nel AFI como [ɬ]. Nel cartelu preséntase una guía fonética pensada pa angloparlantes, según esta el nome del pueblu pronúnciase Llan-vire-pooll-guin-gill-go-ger-o-queern-drob-ooll-llandus-ilio-gogo-goch.

Turismu[editar | editar la fonte]

Ye un destín turísticu bien visitáu. Los turistes suelen fotografiase xuntu al cartelu qu'indica'l nome de la ciudá, o'l de faer sellar el pasaporte nel conceyu local.

Otra atracción ye la cercana columna del Marqués d'Anglesey, dende onde se tien una escelente vista d'Anglesey y del estrechu de Menai.

Ver tamién[editar | editar la fonte]

Referencies[editar | editar la fonte]