Llaguna del Torollu

Llaguna del Torollu
Situación
País	España
Autonomía	Principáu d'Asturies
Provincia	provincia d'Asturies
Conceyu	Uviéu
Parroquia	San Cloyo
Tipu	llaguna
Coordenaes	43°21′53″N 5°55′08″W / 43.36481°N 5.91886°O
	Llaguna del Torollu Llaguna del Torollu (Asturies)
Datos
Llonxitú	80 m
Fondura	4 m

La llaguna del Torollu ye un cuerpu d'agua asitiáu na parroquia uvieína de San Cloyo. Ye una llaguna d'orixe artificial surdida por cuenta de la esplotación de magres pa la fábrica de lloza de San Cloyo ente 1940 y 1964. Esta cantera foi l'orixe d'una poza casi circular que foi enllenada por regueros y manantiales soterraños. Col pasu de los años convirtióse nun enclave natural de gran interés faunísticu y botánicu. Trátase de la única güelga del conceyu d'Uviéu.

Flora y fauna

Nes cinco hectárees de vexetación y agua detectáronse 86 especies distintes d'aves: ruiseñores, xilgueros, raitanes, garces, gavilanes, peñeriques, cenriques, gorretes y curuxes. Ye frecuentada por coríos, pexes, cámbaros de ríu, truches y anguiles. Arrodiando l'estanque destaca un importante monte compuestu principalmente de castañales y, en menor midida, carbayos, abedurios y felechos.^[1]^[2]

Referencies

↑ Romero, Fernando (3 de marzu de 2012). «Torollu, en el aire». Oviedo y Centro (Oviedo: La Nueva España): páxs. 1-2.
↑ Neira, Jesús (28 de marzu de 2012). Cuatro años de pleitos para un humedal único que los ecologistas siempre han defendido. La Nueva España. Archiváu dende l'orixinal el 2016-03-04. https://web.archive.org/web/20160304113158/http://www.lne.es/oviedo/2012/03/28/cuatro-anos-pleitos-humedal-unico-ecologistas-han-defendido/1220522.html. Consultáu'l 8 d'abril de 2012.

Enllaces esternos

[1] Romero, Fernando (3 de marzu de 2012). «Torollu, en el aire». Oviedo y Centro (Oviedo: La Nueva España): páxs. 1-2.

[2] Neira, Jesús (28 de marzu de 2012). Cuatro años de pleitos para un humedal único que los ecologistas siempre han defendido. La Nueva España. Archiváu dende l'orixinal el 2016-03-04. https://web.archive.org/web/20160304113158/http://www.lne.es/oviedo/2012/03/28/cuatro-anos-pleitos-humedal-unico-ecologistas-han-defendido/1220522.html. Consultáu'l 8 d'abril de 2012.

[1]

[2]