Llagu Balatón

De Wikipedia
Saltar a navegación Saltar a la gueta
Llocalización del llagu Balaton dientro d'Hungría.

El llagu Balatón (n'alemán Plattensee; n'eslovacu Blatenské jazero; en llatín Lacus Pelso; y en croata Blatno jezero) ye un llagu d'agua dulce asitiáu n'Hungría, na rexón de Transdanubia. Ye, con una estensión de 592 km2, el llagu mayor d'Europa, y una de les atracciones turístiques más importantes de la rexón. El principal aporte d'agua que recibe ye la del ríu Zala, mentantu que namái desagua por un canal artificial nomáu Sió. Tien 77 km de llargor y 11 km d'anchor, con 3,2 m de profundidá media y 236 km de llínia de costa.

La so oriella septentrional, montuna, ye famosa pola so historia y por ser una rexón vinícola importante, mentantu que la meridional, llana, ye conocida poles sos ciudaes turístiques. Balatonfüred y Hévíz desarrolláronse dende bien ceo como llugares de descanso pa xente adinerao, pero nun habría ser hasta finales del sieglu XIX cuando los propietarios de tierres de la rodiada, arruinaos pol ataque de la filoxera a les sos vides, entamaron a construyir cases de veranu pa alquilá-yosles a les clases medies burgueses. La construcción de llínies de ferrocarril en 1861 y 1909 traxeron una medría importante del turismu, magar qu'el mayor aumentu de visitantes sedría a partir de la década de 1950, cuando aportaron a elli trabayadores húngaros subsidiaos polos sindicatos pa pasar les sos vacaciones.

Vista panorámica del llagu Balatón dende cerca Keszthely.