Lawrence Taylor

De Wikipedia
Saltar a navegación Saltar a la gueta
Lawrence Taylor35mm film frames.svg
LT Portrait 2.jpg
Vida
Nacimientu

Williamsburg Traducir4  de febreru de 1959

(60 años)
Nacionalidá Bandera de Estaos Xuníos d'América Estaos Xuníos
Grupu étnicu Afroestauxunidense
Estudios
Estudios Lafayette High School Traducir
Universidá de Carolina del Norte en Chapel Hill
Oficiu
Oficiu actor, xugador de fútbol americanu, lluchador profesional y actor de cine
Trayeutoria
Años Equipu PX PT
- New York Giants
Posición o especialidá linebacker Traducir
Pesu 111 quilogramu
Altor 191 centímetru
Premios
IMDb nm0852753
www.LawrenceTaylor56.net
Cambiar los datos en Wikidata
Lawrence Taylor

Lawrence Julius Taylor (nacíu'l 4 de febreru de 1959), moteyáu "L.T.", ye un deportista retiráu d'Estaos Xuníos. Xugó fútbol americanu na posición de linebacker mientres tola so carrera deportiva col equipu New York Giants na National Football League (NFL). Ye llargamente consideráu como unu de los meyores xugadores na hestoria del fútbol americanu profesional, y foi clasificáu como'l meyor xugador defensivu na hestoria de la NFL por exjugadores, entrenadores, y medios de comunicación deportivos como NFL Network y Sporting News.[1][2]

Dempués de ser escoyíu como un xugador All-American en 1980 polos sos méritos deportivos nesi añu xugando pal equipu de fútbol americanu de la Universidá de Carolina del Norte en Chapel Hill, los Tar Heels, Taylor foi escoyíu polos Giants como la segunda seleición global del Draft de 1981 de la NFL. Anque'l so contratu causó discutiniu, por cuenta de les demandes del mesmu, dambos llaos de la negociación llegaron a un mutuu alcuerdu. Taylor ganó munchos premios como xugador defensivu na so temporada como novatu. A lo llargo de les décades de 1980 y 1990, Taylor foi un xugador peligrosu como linebacker esternu, y acredítase-y que provocó cambeos nos esquemes de los equipos defensivos, los esquemes preventivos de la llinia ofensiva y les formaciones ofensives usaes na NFL. Taylor promedió más de diez sacks en cada temporada dende 1984 hasta 1990, incluyendo una marca personal de 20.5 en 1986. Ganó trés Premios al Defensivu del Añu y foi nomáu como'l Xugador Más Pervalible de la NFL (MVP) pol so rendimientu mientres la temporada de 1986. Foi nomáu como xugador titular del equipu All-Pro en caúna de los sos primeres nueve temporaes y foi un xugador clave nel equipu defensivu de los Giants, moteyáu como "The Big Blue Wrecking Crew", qu'ayudó a New York a ganar nos Super Bowls XXI y XXV. Mientres la década de 1980, Taylor y los sos compañeros d'equipu, Carl Banks, Gary Reasons y otru miembru del Salón de la Fama, Harry Carson, diéron-y al cuerpu de linebackers de los Giants la reputación de ser unu de los meyores na NFL. Taylor tamién ye miembru del Salón de la Fama del Fútbol Americano Profesional.

Taylor tuvo un estilu de vida revesosu, mientres y dempués de la so carrera deportiva. Almitió utilizar drogues como la cocaína dende'l so segundu añu como profesional na NFL, y foi suspendíu en delles ocasiones por esa lliga por fallar los exámenes anti-drogues. El so abusu de drogues foi n'aumentu dempués del so retiru deportivu, siendo encarceláu en trés causes por intentu de posesión de sustances controlaes. Dende 1998 hasta 2009, Taylor vivió sobriu y ensin consumir drogues. Trabayó como comentarista deportivu tres el so retiru, intentando tener una carrera como actor. La so vida personal quedó espuesta al escrutiniu públicu en 2011 cuando se declaró culpable del delitu de conducta sexual desaparente con una muyer menor d'edá.[3]

Referencies[editar | editar la fonte]

  1. Whitley, David. espn.com (ed.): «L.T. was reckless, magnificent(inglés). Consultáu'l 7 de mayu de 2012.
  2. Sansevere, Bob (8 de xineru de 1994). Knight Ridder (ed.): «Giants' L.T.: His mean streaks revolutionized NFL, made him the best» (inglés). Consultáu'l 7 de mayu de 2012.
  3. . Dempués de dir a xuiciu, Taylor foi rexistráu como un abusador sexual de baxu riesgu. Lawrence Taylor sentenced to six years' probation. Los Angeles Times. 22 de marzu de 2011. http://latimesblogs.latimes.com/sports_blogue/2011/03/lawrence-taylor-sentenced-to-six-years-of-probation.html. Consultáu 'l 29 de marzu de 2012.