Las Dominicales del Libre Pensamiento

De Wikipedia
Saltar a navegación Saltar a la gueta
Las Dominicales del Libre Pensamiento
Las Dominicales del Libre Pensamiento, 4 de febrero de 1883 (cropped).jpg
Datos
Tipu publicación periódica Traducir
Fundación 1883
Fin 1909
Idioma castellanu
Estáu Bandera d'España España
Llugar de publicación Madrid
Cambiar los datos en Wikidata

Los Dominicales del Libre Pensamiento (n'asturianu Los Dominicales del Llibre Pensamientu) foi un selmanariu llibrepensador impresu na ciudá española de Madrid ente 1883 y 1909.

Historia[editar | editar la fonte]

Foi fundáu polos periodistes republicanos federales Ramón Chíes "Eduardo de Riofranco" y Fernando Lozano Montes "Demófilo", próximos a Manuel Ruiz Zorrilla. El so primer númberu imprimióse'l 4 de febreru de 1883 y el postreru'l 27 d'agostu de 1909. Chíes y Lozano codirixeronlu hasta que'l primeru finó en 1893; Lozano siguió solo hasta que recibió a ayuda de Antonio Zozaya. Apaecía los domingos con númberos de cuatro paxines en qu'apoderaben sesudos artículos de fondu sobre política, cultura, sociedá, activismu, lliteratura, teatru, humanidaes y ciencies. Foi probablemente la espublización periódica más heterodoxa d'España ente los sieglos XIX y XX y acoyó nel so senu tou tipu de pensamientu diverxente del oficial.[1] Ente los sos collaboradores destaquen el poeta y abogáu masón manchegu Antonio Rodríguez García-Vao, la escritora feminista Rosariu d'Acuña, el políticu republicanu Francisco Pi y Margall, el médicu y escritor masón José Francos Rodríguez, el políticu y escritor republicanu Emilio Castelar, Esperanza Pérez, Amelia Carvia, l'hestoriador republicanu Miguel Morayta Sagrariu, Eduardo Sojo, Salvador Sellés, l'escritor del naturalismu Joaquín Dicenta, el poeta gallegu Manuel Curros Enríquez, l'escritor Eduardo Zamacois, el poeta Pedro Barrantes, José de Diego y el científicu Odón de Bon, suegru de Fernando Lozano. En tolos númberos fai publicidá gratuita de los órganos del Krausismu español, como l'Institución Llibre d'Enseñanza y l'Asociación pa la Enseñanza de la Muyer. En 1902 constitúyese n'órganu de la Federación Internacional de Llibre Pensamientu n'España, Portugal y América Ibera.

El selmanariu foi costantemente fostigáu con ataques y denuncies poles autoridaes y l'ilesia, pero llogró editase ensin interrupción y algamar, según el númberu del 21 de xunetu de 1890, una tirada de 20 a 25 000 exemplares, hasta que l'asediu intensificóse'l branu de 1900; nel númberu 939 (15-VII-1900) esplicase porqué nun se pudo espublizar mientres los trés selmanes anteriores:[2]

Los cinco caberos númberos de Los Dominicales foron secuestraos; cuatro d'ellos por denuncia; el postreru por equivocación, ya que nun foi denunciáu. Arriendes d'ello, el gobernador de Madrid multónos pretextando una nimiedad, el haber unviado o non a tiempu los númberos que s'entreguen al gobiernu civil. Yera inútil, por tanto, imprimir el periódicu neses condiciones [...] Suman munchos miles de duros los daños y perxuicios qu'estos abusos del poder lleven producíos al nuesu periódicu. Del centenar de procesos que se nos formaría, namái d'ocho años acá, nun prosperaben más que dos o trés. Nos demás, los gobiernos procedieron inxustamente; pero naide indemnizónos de los daños causaos poles inxustes denuncies, acompañaes casi siempres de secuestru. Recuérdese aquel periodu de tres años, en que toles selmanes yera'l númberu denunciáu a instancia de los Padres de familia, árbitros de los Tribunales. Vinieron dempués les furioses persecuciones de los trés años de guerra. Y terminóse aquel Calvariu cola pesadumbre de los siete meses de censura militar...[3]

Defende'l republicanismu, el llibre exame, el lliberalismu, el deísmu, l'agnosticismu, l'ateísmu, los entierros civiles, el feminismu, el divorciu, l'abolición de la pena de muerte, el naturalismu, la Escuela llibre de Francisco Ferrer y Guardia y l'estudiu antropolóxicu, hestóricu, materialista y científicu de la relixón. Opónese a los dogmes católicos y tien una fuerte carga anticlerical qu'acasu motivó l'asesinatu d'unu de los sos redactores, Antonio Rodríguez García-Vao. Amuesa les sos simpatíes pola masonería, a la que pertenecíen los sos fundaores y gran númberu de los sos redactores, l'espiritismu y la teosofía, y tamién pol krausismu de la Institución Llibre d'Enseñanza, l'Asociación pola Enseñanza de la Muyer y la Sociedá Protectora de los Neños, que la so publicidá incorporaba gratuitamente nes sos páxines. Amás anima'l resurdimientu de la cultura sefardina n'España.[4]

El so radicalismu y seriedá (tantu más agresiva cuanto que nunca baxaba a la grosería, como otros selmanarios radicales, por casu El Motín de José Nakens) valió-y el permanente faigo de menos, hostilidá y contestación de les instituciones oficiales y los órganos de prensa de les autoridaes eclesiástiques españoles.[5]

Ver tamién[editar | editar la fonte]

Notes y referencies[editar | editar la fonte]

Testimonios[editar | editar la fonte]

"...me pareció haber soñado cuando terminé de leer Las Dominicales, porque en ellas palpitaba la vida de la libertad, de la justicia, de la fraternidad, no como una abstracción del pensamiento, sino como una realidad viviente, enérgica, activa, llena de promesas de redención y de esperanzas de felicidad. Aquel periódico, extendido ante mis ojos, con aquel lenguaje de sublimes sinceridades; con aquella altivez indómita que se manifestaba en cada una de sus líneas; con aquel entusiasmo arrojado, vehemente, despreciativo de lo convencional, y al mismo tiempo lleno de generosidad y de austeridades, era el grito primero, el más valiente, el más conmovedor y el más imposible de ahogar de un pueblo que despierta, de un pueblo que desperezándose, como el león harto de míseros despojos, lanza los candentes hierros sino logra, con su vigorosa fuercia, romper las cadenas que lo aprisionan."

«Valiosísima adhesión» Carta de Rosario de Acuña a Ramón Chíes, Las Dominicales del Libre Pensamiento, 28-12-1884

Bibliografía[editar | editar la fonte]

  • Pedro F. Álvarez Lázaro, Masonería y librepensamiento na España de la Restauración, 1985.

Enllaces esternos[editar | editar la fonte]