ISSN

De Wikipedia
ISSN
identificador de publicación (es) Traducir, mediu de comunicación y estándar téunicu
Nombre de Recurso Uniforme (es) Traducir
Web oficial
Cambiar los datos en Wikidata

L'ISSN[1] (inglés: International Standard Serial Number, Númberu Internacional Normalizáu de Publicaciones en Serie) ye un númberu internacional que dexa identificar de manera única una coleición, evitando'l trabayu y posibles fallos de trescribir el títulu o la información bibliográfica pertinente. Acútase a les espublizaciones en serie como los diarios y les publicaciones periódiques. El ISSN dexa normalizar les clasificaciones, nes biblioteques por exemplu.

En llibros usa'l Númberu Estándar Internacional de Llibru (ISBN, International Standard Book Number)

El ISSN ta normalizáu pol testu ISO 3297 (ICS nᵁ 01.140.20).

Introducción[editar | editar la fonte]

L'ISSN ta constituyíu polos caráuteres "ISSN" siguíos de dos grupos de cuatro cifres separtaos per guiones. La última cifra, asitiada n'octava posición, sirve de clave de control; puede dacuando tomar el valor "X", que representa'l númberu 10.

Contrariamente al ISBN, les cifres del ISSN nun signifiquen nada en sí mesmes. Asígnense secuencialmente, independientemente del país d'orixe, de la llingua, etc. A cada ISSN correspuende-y un títulu-clave asina como una data de principiu d'espublización. La data de final afítase de normal en "9999". El títulu-clave ta formáu pol nome de la espublización y, eventualmente, por un calificativu, frecuentemente'l llugar de publicación.

Publicaciones que pueden cuntar col ISSN[editar | editar la fonte]

  1. Impresos o folletos
  2. Microformas
  3. Ediciones con llinguaxes especiales pa discapacitaos
  4. Medios mistos
  5. Fonogrames
  6. Cintes llexibles por ordenador diseñaes pa producir llistes
  7. Otros medios incluyíos los visuales
  8. Revistes
  9. Anuarios

Cómo tien d'apaecer el ISSN[editar | editar la fonte]

Nel ángulu cimeru derechu de la portada o cubierta de caún de los fascículos de la publicación o nun llugar visible.

Cálculu de la clave de control[editar | editar la fonte]

Asígnase una ponderación a cada posición (de 8 a 2 en sentíu decreciente) y faise la suma de los productos asina llograos. Caltiénse'l restu de la división euclídea d'esti númberu por 11. Réstase esti númberu a 11: ye la clave.

Exemplu: pal númberu ISSN (de 7 cifres) ISSN 0395-203, ¿cuál ye la clave de control?

Exemplu de cálculu de la clave de control
Códigu ISSN 0 3 9 5 2 0 3
Ponderación 8 7 6 5 4 3 2
Productu 0 21 54 25 8 0 6

Lo que fai un total de 114, que'l so restu de la división euclídea por 11 ye 4. La clave de control ye pos 11 − 4 = 7. El ISSN completu ye: ISSN 0395-2037.

ISSN-L[editar | editar la fonte]

El ISSN-L (del inglés Linking ISSN) ye un númberu específicu únicu de ISSN qu'arrexunta les distintes ediciones d'una mesma publicación seriada, publicaes en dellos medios o soportes, como en papel, en llinia, CD, etc., caúna d'elles tien asignáu'l so propiu ISSN. El númberu de ISSN-L ye unu de los númberos yá esistentes de ISSN asignáu a la publicación, coincidente col de la versión en papel si la hubiere.[2]

Referencies[editar | editar la fonte]

  1. Academia de la Llingua Asturiana (2007). Cartafueyos Normativos. Abreviatures, rotulaciones y propuestes d’espresión y llocución. ISBN 978-84-8168-421-6.
  2. Centro Internacional del ISSN The ISSN-L for publications on multiple media

Enllaces esternos[editar | editar la fonte]