La Maniega

De Wikipedia
Saltar a navegación Saltar a la gueta
La Maniega
Datos
Tipu revista
Estáu Flag of Spain.svg España
Cambiar los datos en Wikidata

La Maniega foi un boletín que, a partir del 1 de marzu de 1926, s'entamó a asoleyar en Cangas del Narcea (n'aquella dómina, Cangas de Tinéu) editáu pola Asociación Canguesa de Amantes del País (Tous pa tous). La pretensión de la revista yera la de servir de puntu d'alcuentru a la xente de Cangas, yá residieren nel propiu conceyu o tuvieren na emigración.

Unu de los fundadores de l'Asociación y de la propia revista foi Mario Gómez Gómez, médicu militar y escritor na variante suroccidental de la llingua.

El boletín vino publicándose con una periodicidá irregular hasta'l 1 de payares de 1932.

Posteriormente l'Asociación Cultural Pintor Luis Álvarez, de Cangas del Narcea, retomó la cabecera del boletín y entamó a asoleyar una revista colos mesmos enfotos que nos años venti, a partir del añu 1981.