Lémnicu

El lémnicu yera la llingua preindoeuropea falada na islla griega de Lemnos y que tuvo viva mínimu ta'l sieglu V e.C. -anque calcúlase que seiría falada ta sieglos posteriores-. El exonome que los griegos daban a la llingua y a los habitantes yera'l de pelsagos -al igual que dacuando a los etruscos-.

Nel sieglu VI e.C. la islla entra plenamente na Hestoria cola conquista ateniense. La inscripción más conocida ye la de la Estela de Lemnos, la cuala atopouse en Karmina nel 1885 y tien 34 pallabras escritas nun dialeutu emparentáu col etruscu. Los datos sacaos d'esta estela xunta a outra documentación epigráfica muesa que la llingua lémnica formaba un grupu familiar con, a lu menos, l'etruscu y el réticu.