Láser

De Wikipedia
Láser
Fonte de lluz y componente óptico (es) Traducir
Cambiar los datos en Wikidata

Un láser ye un dispositivu qu'emite lluz al traviés d'un procesu d'amplificación óptica basáu na emisión estimulada de radiación electromagnético. El términu laser ye un acrónimu de "light amplification by stimulated emission of radiation" (amplificación de lluz por emisión estimulada de radiación)[1]. El primer láser construyolo, en 1960,Theodore H. Maiman nos llaboratorios Hughes Research Laboratories, a partir de los trabayos teóricos desarrollaos por Charles Hard Townes y Arthur Leonard Schawlow.

Un láser estrémase d'otres fontes de lluz en qu'emite lluz coherente, tanto espacial como temporalmente. La coherencia espacial permíte-y al láser concentrar la lluz nún puntu perconcretu, y eso fai posible'l so usu como'l corte con láser o la fotolitografía. Esa mesma propiedá permíte-y al haz de lluz del láser permanecer concentráu a grandes distancies; esta propiedá, conocida como colimación, permite'l so usu pa facer punteros de lluz. La coherencia temporal, pela so banda, permíte-y al láser emitir lluz con un espectru de frecuencies perestrechu, esto ye, emitir lluz d'un únicu color. Esta coherencia temporal úsase pa producir pulsos de lluz de duración perpequeña, d'hasta un femtosegundu.

Ente otres munches aplicaciones, alcontramos láseres nes unidaes de discu ópticu de los ordenadores, impresores o llectores de códigos de barres, pero tamién en secuenciadores de ADN, láseres quirúrxicos, láseres de soldadura...

Referencies[editar | editar la fonte]