L'Enciclopèdia en valencianu

De Wikipedia
Ficha de softwareL'Enciclopèdia en valencianu
Versión inicial 2 avientu 2007
Tipu enciclopedia en llinia y sitiu MediaWiki
Más información
Sitiu web Web oficial
Cambiar los datos en Wikidata

L'Enciclopèdia en valencianu ye una enciclopedia en llinia de la Comunidá Valenciana escrita en valencianu y creada'l 2 d'avientu de 2007. El 2 d'ochobre de 2022 cuntaba con un total de 25.443 artículos.[1][2]

Carauterístiques[editar | editar la fonte]

L’Enciclopèdia utiliza'l programa llibre MediaWiki y ye ellaborada por voluntarios, yá que al igual que munches wikis, cualesquier internauta puede collaborar nella.

Según afirma L’Enciclopèdia, ye la "única enciclopedia qu'utiliza una normativa valenciana para'l valencianu",[3] les Normes del Puig de la Real Academia de Cultura Valenciana que daten de 1979 y tamién "la única ellaborada en valencianu dende la mesma Comunidá Valenciana y empobinada a una audiencia valenciana".[2][3][4]

L'Enciclopèdia tien ente los sos oxetivos el desenvolver una enciclopedia en valencianu de conteníu llibre y espublizar la llingua y la cultura valenciana n'internet.[2][3][4]

L'Enciclopèdia asoleyó en febreru de 2015 una versión de la wiki pa dispositivos móviles[5] que facilita la navegación a los usuarios.

La Real Academia de Cultura Valenciana dio a L'Enciclopèdia el 6 d'abril de 2022 un diploma en reconocencia pola so contribución al desenvolvimientu, usu y afitamientu de la llingua valenciana y de les Normes del Puig.

Estadistíques[editar | editar la fonte]

Númberu total d'artículos a lo llargo del tiempu:

Fecha Artículos
avientu, 2007 -
7 marzu 2009 500
7 mayu 2009 1.000
18 xunu 2009 5.000
26 avientu 2014 10.000
28 xunu 2019 15.000
24 payares 2020 20.000
14 setiembre 2022 25.000
21 ochobre 2023 30.000

Referencies[editar | editar la fonte]

  1. «L'Enciclopèdia en valencià» (2 d'ochobre de 2022). Archiváu dende l'orixinal, el 2 d'ochobre de 2022. Consultáu'l 7 d'ochobre de 2022. «25 443 artículos»
  2. 2,0 2,1 2,2 «L’Enciclopèdia supera els 25.000 artículs en el seu 15º aniversari. Valencia News, edición del 5 d'ochobre 2022.». Consultáu'l 8 d'ochobre de 2022.
  3. 3,0 3,1 3,2 «L’Enciclopèdia en valencianu (lenciclopedia.org)». Consultáu'l 7 d'ochobre de 2022.
  4. 4,0 4,1 «L'Enciclopèdia en valencià supera els 25.000 artículs. Elperiodicodeaqui.com, edición del 4 d'ochobre de 2022.». Consultáu'l 12 d'ochobre de 2022.
  5. «Versión pa dispositivos móviles de L’Enciclopèdia en valencianu». Consultáu'l 7 d'ochobre de 2022.

Enllaces esternos[editar | editar la fonte]