King Kong

King Kong
	Personaxe de Kong: Skull Island
Universu	King Kong universe (en)
Creador/a/es	Edgar Wallace y Merian C. Cooper
Información
Sexu	machu
	[editar datos en Wikidata]

King Kong ye un kaiju, un monstruu xigante que protagoniza abondes películes, noveles, cómics y videoxuegos. Ye una especie de gorila xigante, de tamañu cambiadizu según la versión y qu'apaeció la primer vegada na novelización de la película de 1933, asoleyándose un par de meses primero d'esta estrenase. Lláma-yse tamién "la Octava Maraviya del Mundu", nomatu que davezu gasten nes películes. A la película pronto-y siguió una continuación, Son of Kong y nos años sesenta Toho fai delles películes del gorila, enfrentándose na primera al mesmísimu Godzilla. En 1976, Dino De Laurentiis produxo una versión nueva dirixida por John Guillermin, y esta tamién tevo continuación King Kong Lives. Peter Jackson dirixó otra versión estrenada en 2005, y en 2017 salió Kong: Skull Island, película cola que la creatura fai parte del Monsterverse y onde s'enfrenta de nueves a Godzilla en Godzilla vs. Kong (2021).

Ver tamién

King Kong (dixebra)

Referencies

Enllaces esternos