Kasai del Sur

	estáu desapaecíu
Alministración
Capital	Mbuji-Mayi
Forma de gobiernu	Monarquía
Xeografía
Coordenaes	6°09′S 23°36′E / 6.15°S 23.6°E
Superficie	30000 km²
Demografía
Población	1 000 000 hab.
Densidá	33,33 hab/km²
Economía
Moneda	Francu congolés

Kasai del Sur (en francés Sud-Kasaï) foi un territoriu secesionista de la zona centro-sur de la República Democrática d'El Congu a principios de los años sesenta.

La rexón algamó la independencia de manera asemeyada a la del vecín Estáu de Katanga mientres el solmenáu procesu de descolonización del Congo Belga. La rexón foi afarada por conflictos étnicos y tensiones polítiques ente los líderes del gobiernu central y del gobiernu llocal, tizaes polos esplotadores de diamantes.

El 14 de xunu de 1960, unos díes primero que la colonia declarárase independiente, dellos militares declararon la independencia de Kasai (non del Congo) y proclamaron l'Estáu Federal de Kasai del Sur. El 8 d'agostu de 1960, proclamóse l'autónomu Estáu Mineru de Kasai del Sur con capital en Bakwanga (güei Mbuji-Mayi). Albert Kalonji foi nomáu presidente de Kasai del Sur y Joseph Ngalula xefe de gobiernu.

Una Asamblea de Notables invistió al padre de Kalonji col títulu imperial de Mulopwe el 12 d'abril de 1961. El nuevu emperador abdicó darréu en favor del so fíu, quien entós gobernó Kasai del Sur como Mulopwe (Emperador/rei), Albert I Kalonji.

Dempués d'una sangrienta campaña militar de cuatro meses mientres la cual miles de civiles fueron masacrados, les tropes del gobiernu central del Congo reconquistaron la rexón y arrestaron a Kalonji el 30 d'avientu de 1961, poniendo fin a la secesión de Kasai del Sur.

Kalonji intentó formar un nuevu gobiernu dempués d'escapar de prisión el 7 de setiembre de 1962, pero foi disueltu menos d'un mes dempués.

Sol subsecuente réxime de Joseph Mobutu (Mobutu Sese Seko), l'antiguu Kasai del Sur foi estremáu col fin d'amurniar cualquier actividá separatista.

Referencies[editar | editar la fonte]

Enllaces esternos[editar | editar la fonte]

Wikimedia Commons tien conteníu multimedia tocante a Kasai del Sur.