Kappa Cancri

De Wikipedia
Saltar a navegación Saltar a la gueta
Kappa Cancri
Kappa Cancri A/B
Constelación Cáncer
Ascensión reuta α 09h 07min 44,81s
Declinación δ +10º 40’ 05,5’’
Distancia 484 ± 65 años lluz
Magnitú visual +5,33 / +7,98
Magnitú absoluta -0,63 (conxunta)
Lluminosidá 315 / 11 soles
Temperatura 13.470 / 8.500 K
Masa 4,0 / 1,9 soles
Radiu 3,3 / 1,6 soles
Tipu espectral B8 IIIpMn / A V
Velocidá radial +24,2 km/s

Kappa Cancri (κ Cnc / 76 Cancri / HD 78316) ye un sistema estelar na constelación de Cáncer, el cámbaru, asitiáu a unos 484 años lluz de distancia del Sistema Solar.

Nun primer aproximamientu, Kappa Cancri ta formada por dos estrelles visualmente dixebraes apenes 0,3 segundos d'arcu. La estrella principal del sistema, llamada Kappa Cancri A, ye una estrella blancu-azulada de tipu espectral B8 catalogada como xigante.[1][2] Con una temperatura superficial de 13.470 K, la so lluminosidá ye 315 vegaes mayor que la del Sol y el so radiu ye 3,3 vegaes el radiu solar, parámetros más acordes con una estrella de la secuencia principal que con una verdadera xigante.[3] Ye una estrella de mercuriu-manganesu con una bayura de mercuriu 43.000 vegaes mayor que nel Sol; amás ye una variable Alfa2 Canum Venaticorum.[4]

Kappa Cancri B ye una estrella blanca de la secuencia principal de tipu A, con una temperatura de 8500 K y una lluminosidá 11 vegaes mayor que'l Sol. El so radiu ye 1,6 vegaes más grande que'l radiu solar y la so masa casi'l doble que la del Sol. La separación mínima con Kappa Cancri A ye de 42 UA, y el so periodu orbital ye de siquier 114 años.[3]

Ocultación llunares de Kappa Cancri A suxuren la esistencia d'una tercer estrella bien próxima a ella con un periodu de 6,39 díes[2] y separada pocu más de 0,10 UA.

Referencies[editar | editar la fonte]