KHangMan

De Wikipedia
Saltar a: navegación, buscar
Ficha de softwareKHangMan
KHangMan icon.png
KHangMan.png
Versión estable 1.6
Escritu en C++
Sistema operativu GNU/Linux / Mac OS X / Windows
Tipu aplicación informática
Llicencia GPL
Parte de KDE Applications
N'asturianu Yes check.svg
Más información
Sitiu web Web oficial
Cambiar los datos en Wikidata


KHangMan ye una ferramienta pal deprendizaxe d'idiomes basada en xuegu del aforcáu pal escritoriu KDE. Forma parte del paquete Kdeedu. Ta dirixida a neños y neñes a partir de seis años.

KHangMan tien cuatro niveles de dificultá (nomes d'animales, fácil, mediu y difícil). Nel nivel d'animales namái s'amuesen, obviamente, nomes d'animales, y nel fácil pallabres rellacionaes cola vida cotidiana (afayadizo pa neños y neñes de 6 a 9 años). Al nivel mediu les pallabres yá entamen a ser más llargues y difíciles (pa mozos y moces de + de 9 años). Nel nivel difícil les pallabres son complicaes y pocu conocíes, difícil inclusu pa persones adultes.

El programa escueye una pallabra aleatoriamente, amuésanos les lletres que contién la pallabra col símbolu de sorrayáu y tenemos d'aldovinar esa pallabra probando una lletra tres d'otra. Si calcamos una lletra equivocada va dibuxándose la imaxe del aforcáu, nun s'hai d'esmolecer polos neños, darréu que nel casu de KHangMan amuésase la del logo de KDE, y tenemos que consiguir aldovinar la palabra primero que lu colinguen. En total disponemos de diez intentos pa consiguilo.

La llingua cola que empecipia por defeutu'l KHangMan la primer vegada que lu usamos ye l'inglés, magar que podemos camudar por otra (dispón d'hasta 24 llingües distintss, y puen amestase-y nueves llingües), asina como l'aspeutu (mar o desiertu) y la dificultá.

Tien de tenese en cuenta que toles pallabres que nos amuesa son sustantivos, nun esisten verbos, axetivos, etc.