Julieta Granada

Julieta Granada
Vida
Nacimientu	Asunción, 17 de payares de 1986 (37 años)
Nacionalidá	Paraguái
Oficiu
Oficiu	golfista
	Participante golf nos Xuegos Olímpicos de Rio de Janeiro 2016 ;
Pesu	58 kg
Altor	160 cm

Julieta Granada (17 de payares de 1986, Asunción) ye una golfista profesional de Paraguái que forma parte del LPGA Tour d'Estaos Xuníos.

A una temprana edá consiguió una beca p'asistir a una academia de golf d'Estaos Xuníos y darréu consiguió residencia nel mentáu país, d'onde pasó a formar parte de la American Junior Golf Association. Foi escoyida como la meyor xugadora de dicha asociación nel 2004 cuando ganó'l campeonatu xuvenil femenín de los Estaos Xuníos.

Nel 2005 recibió'l status de golfista profesional y nesi mesmu añu ganó'l tornéu de YMCA Futures Classic. Granada estableció un récor nel 2006 al ser la primer golfista n'axudicase un premiu mayor al millón de dólares en ganando'l tornéu de LPGA Playoffs at The ADT.

Nel 2007 dio'l primer títulu mundial de golf femenín a Paraguay al ganar la Copa Mundial de Golf femenín al pie del so compatriota Celeste Troche.

La paraguaya acabó quinta nel Abiertu Británicu Femenín de Golf de 2014, y sesta nel Campeonatu de la LPGA.

A nivel continental, Granada llogró la medaya d'oru nos Xuegos Suramericanos de 2014 y la medaya de bronce nos Xuegos Panamericanos de 2015.

Llogros como amateur[editar | editar la fonte]

2001-2004: Miembru de la American Junior Golf Association (AJGA)
2002: Miembru del equipu de Canon Cup
2003: Miembru del equipu de Canon Cup
2004: Ganadora del campeonatu xuvenil femenín. Xugadora del añu de la AJGA. Ganadora del Campeonatu Public Links. Votada como atleta del añu de Paraguay. Ganadora del campeonatu Suramericanu.
2005: Ganadora del Campeonatu Amateur de South Atlantic Ladies.

Llogros como profesional[editar | editar la fonte]

Futures Tour

2005: YMCA FUTURES Classic

LPGA Tour

2006: LPGA Playoffs at The ADT

Otros

2007: Campeonatu Mundial de Golf femenín (con Celeste Troche). Segundu llugar nel Corona Championship 2007 xunto cola mexicana Lorena Ochoa
2014: Medaya d'oru nos X Xuegos Suramericanos ODESUR realizaos en chile

Referencies[editar | editar la fonte]

Enllaces esternos[editar | editar la fonte]

Perfil nel sitiu de LPGA