Julián Ayesta

De Wikipedia
Saltar a navegación Saltar a la gueta
Julián AyestaPicto infobox character.png
Vida
Nacimientu Xixón1919
Nacionalidá Bandera d'España España
Fallecimientu 1996
Estudios
Llingües castellanu
Oficiu
Oficiu diplomáticu y escritor
Cambiar los datos en Wikidata

Julián Ayesta Priendes (Xixón 1919-1996) foi un escritor español de posguerra, collaborador de les principales revistes lliteraries d'esta dómina Revista Garcilaso, Acanto, Fantasía o Mocedá.

Biografía[editar | editar la fonte]

Nacíu nel senu d'una conocida familia asturiana, llicencióse en Derechu y en Filosofía y Lletres, y en 1947 ingresó na Carrera Diplomática. Nesti ámbitu ocupó diversos cargos en distintes llegaciones en Beirut, Bogotá, Ámsterdam, Viena y l'antigua Yugoslavia, na que foi Embaxador d'España -l'únicu embaxador español, cuidao que antes nun esistíen rellaciones diplomátiques y dempués desfíxose l'Estáu yugoslavu-.

Obres[editar | editar la fonte]

Foi autor de diverses obres de teatru, tales como A cencielles asina (1943), El cobarde Serafín (1943), La ciudá alloñada (1944) y El fusilamiento de los zares (1961), ente otres.

La so obra más conocida ye la curtia novela Helena o'l mar del branu (primer edición: Ínsula, 1952; reeditada depués por Ediciones Arión, 1958; Seix Barral, 1974; Sirmio, 1987; Planeta, 1996; y El Cantil, 2000, con numberoses reimpresiones posteriores), "un llibru llenu de gracia y de frescura", según escribió José Luis Cano. La novela, única obra de narrativa del autor, foi traducida al francés (1992), al alemán (2004), al griegu (2005), al holandés (2006), al inglés (2008) y al italianu (2009).

Póstumamente publicáronse dos llibros con testos sos: Cuentos (Valencia, Pre-Testos, 2001) y Dibuxos y poemes (Madrid, Trotta, 2003), n'ediciones preparaes por Antonio Pau.

Una selección de los sos relatos fueron recoyíos na Antoloxía del cuentu de postguerra, de Medardo Flaire (Madrid, 1994) y na Antoloxía de cuentistes españoles, de Francisco García Pavón (Madrid, 1984).

Enllaces esternos[editar | editar la fonte]




Julián Ayesta