Juan Suárez Martínez

De Wikipedia
Saltar a navegación Saltar a la gueta
Juan Suárez Martínez
Juansuarez 2004.jpg
Vida
Nacimientu Xixón16  de mayu de 1913
Nacionalidá Bandera d'España España
Fallecimientu

Somió18  d'agostu de 2006

(93 años)
Estudios
Estudios Universidá d'Uviéu
Oficiu
Cambiar los datos en Wikidata

Juan Suárez Martínez (16  de mayu de 1913Xixón - 18  d'agostu de 2006Somió), empresariu, Conceyal de Facienda del Conceyu de Xixón.[1]

Biografía[editar | editar la fonte]

Juan Suárez Martínez nació'l 16 de mayu de 1913 en Xixón (Asturies). Estudio Comerciu en Suiza y Derechu na Universidá d'Uviéu[2]

Tuvo una dilatada trayeutoria como empresariu, na que fundó negocios d'una variedá de sectores. Ente ellos atópense: la fábrica de chocolate d'Industries La Herminia; la droguería Cantábrica, asitiada na redoma del Paséu de Begoña; el cine Hernán Cortés, qu'empezó la so andadura en 1958, y qu'acabó completándose cola sala de fiestes Acapulco.

En 1955 fundó en Xixón, xuntu col so cuñáu Cipriano Ojeda -viudu dende diba dos meses de la so hermana, Carmen Suárez Martínez-, l'Hotel Hernán Cortés, entós daquella el mayor hotel d'Asturies, con 114 habitaciones. Nun principiu nun taba diseñáu pa ser un hotel, pero finalmente acabó siéndolo, y asina sigue, en vendiéndolo en 1987, hasta l'actualidá.

Ente 1965 y 1970, foi conceyal de Facienda del Conceyu de Xixón, mientres l'alcaldía de Ignacio Bertrand. Gracies a la so collaboración nació la Empresa Municipal d'Agües (EMA) de Xixón, polo que foi galardonáu cola medaya d'oru del Consistoriu xixonés.

Ente los cargos[3] qu'ostentó, destaquen los de ser: vicepresidente de la Cámara Oficial de Comerciu, Industria y Saléu de Xixón, so la presidencia de Luis Adaro; miembru del Patronatu del Real Sitiu de Cuadonga; miembru más antiguu -tuvo más de treinta año-, del Patronatu del Hospital del Jove; y benefactor de la Cocina Económica.

Nel campu deportivo, foi miembru-fundador y promotor del Real Club de Golf de Castiellu, en 1958; y del Real Grupu de Cultura Cuadonga. La so pasión pola práctica del deporte en competición, llevólu a convertise en campeón d'Asturies de velocidá, na modalidá de 100 metros llisos, y a coronar el visu del Naranxal de Bulnes.

Finó na so casa de Somió, y tres un multitudinariu funeral[4][5]na parroquia de san Julián de Somió, foi soterráu nel campusantu municipal.

Vida personal[editar | editar la fonte]

Casáu con Marimen Botes Menéndez, finada'l 24 d'ochobre de 2009, tuvieron seis fíos: Alicia, Gracia, Carmen, María, Ana, y el conocíu pintor Juan Suárez Botes; y once nietos: Jaime y Ana Pire Suárez; Carmen, Miguel, Alfonso y Juan Osorio Suárez; Sara y Juan Rottenwöhrer; y Álvaro, Inés y Gonzalo Alonso Suárez.

Premios y reconocencies[editar | editar la fonte]

  • Medaya d'oru del Conceyu de Xixón (premiu, añu)

Referencies[editar | editar la fonte]

  1. Aida Collada (19 d'agostu de 2006). «Fina a los 93 año Juan Suárez Martínez, ex propietariu d'Industries La Herminia» (castellanu). Consultáu'l 20 de xunetu de 2016.
  2. Fina en Somió l'empresariu Juan Suárez. 19 d'agostu de 2006. 
  3. Álvarez-Buylla Menéndez, Jaime (30 d'agostu de 2006). Juan Suárez, una vida dedicada al trabayu. Necrolóxica. 
  4. Adiós a un gran entamador: Decenes de persones allegaron a la parroquia de Santuyano de Somió p'asistir al funeral de Juan Suárez, propietariu de La Herminia. 22 d'agostu de 2006. 
  5. Jesús Morales plantega una reconocencia oficial» de Xixón al empresariu Juan Suárez. 22 d'agostu de 2006. http://www.elcomercio.es/prensa/20060822/gijon/jesus-morales-plantega-reconocencia_20060822.html. Consultáu 'l 24 de xunetu de 2016. 

Enllaces esternos[editar | editar la fonte]


Juan Suárez Martínez