Juan Hispalense

Juan Hispalense
Vida
Nacimientu	Sevilla, circa 1100 (greg.)
Nacionalidá	Reinu de Castiella España
Llingua materna	castellán medieval
Muerte	Toledo, 1180 (79/80 años)
Estudios
Llingües falaes	llatín medieval castellán medieval
Oficiu
Oficiu	traductor
Trabayos destacaos	De differentia spiritus et anima (en) Epistola Aristotilis ad Alexandrum de dieta servanda (en)
Creencies
Relixón	catolicismu

Iohannes Avendehut Hispanus, tamién llamáu Iohannes Hyspalensis, Johannes Hispanicus, Johannes Toletanus, Avendeuth, Juan Hispanu, Juan Hispalense, Juan el Sevillanu y Juan el Toledanu (circa 1100 ^(greg.), Sevilla – circa 1180, Toledo), foi un filósofu, compilador y traductor español.

Foi, xunto a Domingo Gundisalvo, el principal traductor del árabe al castellán na primer dómina de la Escuela de Traductores de Toledo. Sábese que yera judeoconverso, pero nun ta totalmente segura la identificación ente Juan Hispanu (Ibn Dawud) y Juan Hispalense, quien munchos autores consideren una persona distinta. Collaboró con Gundisalvo ente 1130 y 1150, y siguió les sos traducciones hasta 1180, añu de la so muerte. Nel procesu de traducción, Juan treslladaba del árabe al romance castellanu, y Gundisalvo, del castellán al llatín.

La so obra traductora ye bien amplia, ya inclúi obres de diverses matetias: Astronomía/Astroloxía –tradució a Masallah, al-Farghani, al-Haiyal, Albumasar, al-Kindi, Omar ibn al-Farruhan, Ahmad ibn Yusuf, al-Battani, Thabit ibn Qurrá, Alcabitius, etc. –, Filosofía –tradució Pseudoaristóteles, Avicena, Qusta ibn Luqa, al-Farabi, Ibn Gabirol, al-Ghazali, etc.–, Álxebra y Medicina -l'importante Llibru del sanamientu d'Avicena-.

Amás foi autor de delles compilaciones, con síntesis sacaes de les obres que traducía y estudiaba, xunto a les sos propies observaciones ya interpretaciones, especialmente en Astroloxía.

Enllaces esternos

• Juan Hispalense en larramendi.es
• Juan Hispanu en larramendi.es
• Ibn Daud en larramendi.es

Referencies

• Datos: Q1382696