Josie Sedgwick
Josie Sedgwick | |
|---|---|
 | |
| Vida | |
| Nacimientu | Galveston[1], 13 de marzu de 1898[2] |
| Nacionalidá |
 Estaos Xuníos |
| Llingua materna | inglés |
| Muerte | Santa Monica[1], 30 d'abril de 1973[2] (75 años) |
| Sepultura | Cementeriu de Holy Cross |
| Causa de la muerte | accidente vascular cerebral |
| Familia | |
| Casada con | William Steele |
| Hermanos/es | |
| Estudios | |
| Llingües falaes | inglés |
| Oficiu | actriz, actriz de cine |
| Llugares de trabayu | Estaos Xuníos |
| IMDb | nm0781298 |
 | |
Josie Sedgwick (13 de marzu de 1898, Galveston – 30 d'abril de 1973, Santa Monica)[nota 1][3] foi una actriz cinematográfica d'Estaos Xuníos, activa na dómina del cine mudu, y que a lo llargo de la so carrera artística actuó en más de 50 filmes, estrenaos ente 1916 y 1932.
Biografía[editar | editar la fonte]
El so nome completu yera Josephine Sedgwick, y nació en Galveston, Texas, nel senu d'una familia dedicada a l'actuación. Los sos padres yeren los actores teatrales Edward Sedgwick y Josephine Walker, colos qu'ella y los sos hermanos formaben el conxuntu musical "The Five Sedgwicks". El so hermanu, Edward Sedgwick, foi'l primeru en dedicase al cine, trabayando como actor y darréu como direutor de seriales para Universal Pictures. La so hermana, Eileen Sedgwick, foi tamién actriz.
Los sos primeros filmes fueron los curtiumetraxes Missy[4] y Her Dream Man[5], dambos de 1916, y producíos por Universal Pictures. La so última película foi Son Of Oklahoma[6], de 1932, un western producíu por Trem Carr Pictures nel qu'actuaba Bob Steele, y nel que tenía un papel principal. La mayoría de les producciones nes qu'actuó fueron del xéneru western.
Una vegada retirada del cine, Josie Sedgwick abrió una axencia artística, la Josie Sedgwick-Ray West Inc.. Ella finó en Santa Monica, California, el 30 d'abril de 1973, por causa de un accidente cerebrovascular. Foi soterrada nel Campusantu de Holy Cross, en Culver City, California. Nos años 1920 casárase col actor William A. Gettinger, más conocíu pol nome artísticu de William Steele[7][3].
Seleición de la so filmografía[editar | editar la fonte]
| Añu | Títulu | Papel | Observaciones |
|---|---|---|---|
| 1924 | The White Moth | Ninon Aurel | |
| The Sawdust Trail | "Calamity" Jane Webster | ||
| 1923 | Daddy | Helene Savelli | |
| 1921 | Double Adventure | Martha Steadman | |
| 1920 | Daredevil Jack | Glory Billings | |
| 1919 | Kingdom Come | Glory Billings | |
| The She Wolf | Bella nel Dance Hall | ||
| Xubilo | Rose Hardy | ||
| 1918 | Lure of the Circus | Alicia Page |
Notes[editar | editar la fonte]
- ↑ Find a Grave defende 1899 como'l so añu de nacencia, y IMDB 1898, mesmu añu de la so hermana Eileen, lo que sería imposible, yá que Josie nació en marzu y Eileen n'ochobre, y habría apenes 7 meses ente la nacencia de los dos hermanes, imposibilitando l'añu 1898. En Sedgwick.org, xenealoxía de la familia Sedgwick, consta l'añu 1894.
Referencies[editar | editar la fonte]
- ↑ 1,0 1,1 Afirmao en: Google Freebase Data Dump. Editorial: Google.
- ↑ 2,0 2,1 Afirmao en: Internet Movie Database. Identificador IMDb: nm0781298. Data de consulta: 10 xineru 2016. Llingua de la obra o nome: inglés.
- ↑ 3,0 3,1 Josie Sedgwick en Sedgwick.org
- ↑ Missy en IMDB
- ↑ Her Dream Man en IMDB
- ↑ Son of Oklahoma en IMDB
- ↑ William Steele en citwf
Enllaces esternos[editar | editar la fonte]
Wikimedia Commons acueye conteníu multimedia sobre Josie Sedgwick 
.- Josie Sedgwick na Internet Movie Database (n'inglés)
- «Josie Sedgwick». en Find a Grave. (n'inglés)
Datos: Q10308638- Multimedia: Josie Sedgwick