Saltar al conteníu

José del Rosario Miranda

De Wikipedia
José del Rosario Miranda
Vicepresidente de Paraguái

Vida
Nacimientu Caraguatay (es) Traducir1832
Nacionalidá Bandera de Paraguái Paraguái
Muerte Caraguatay (es) Traducir28 de mayu de 1903 (70/71 años)
Oficiu militarfuncionariu
Cambiar los datos en Wikidata

José del Rosario Miranda foi vicepresidente del Paraguái ente 1886 y 1890. Nació en 1832 en Caraguatay, ciudá que tamién dio al país a trés presidentes de la República: Escurra, González Navero y Estigarribia. Ingresó en files del exércitu y actuó na Guerra de la Triple Alianza. Na posguerra foi unu de los protagonistes de la reconstrucción nacional. Electu convencional, presidió la magna asamblea y, darréu, integró y presidió el Poder Xudicial.

Ocupó cargos ministeriales nel gobiernu del presidente Xovellanos (Guerra y Marina, Rellaciones Esteriores, Xusticia, Cultu ya Instrucción Pública); tamién actuó na diplomacia pal arreglu definitivu de trataos de paz, amistá, comerciu, navegación y llendes cola Arxentina y como representante ante la Santa Sede. Como tal cupió-y solucionar l'entredichu ente'l Paraguái y la Santa Sede, a consecuencia del fusilamiento del obispo Palacios, mientres la Guerra de la Triple Alianza. Ocupó escaños nel Parllamentu y presidió la Cámara de Diputaos.

Electu vicepresidente de la República pol periodu 1886-1890, secundó'l llabor del presidente Patricio Escobar. Darréu foi senador nacional. Retiráu al so pueblu natal, finó'l 28 de mayu de 1903.

Referencies[editar | editar la fonte]

  • Diariu ABC Color, Asunción - Paraguái.


Predecesor:
Juan Antonio Jara

Vicepresidente de la República de Paraguái

1886 - 1890
Socesor:
Marcos Antonio Morínigo