José Remis Vega

De Wikipedia
Saltar a navegación Saltar a la gueta
José Remis Vega
Vida
Nacimientu Piloña1880
Nacionalidá Bandera d'España España
Fallecimientu

Xixón1963

(82/83 años)
Estudios
Llingües castellanu
asturianu
Oficiu
Oficiu músicu
Cambiar los datos en Wikidata

José Remis Vega (1880Piloña - 1963Xixón), conocíu como'l gaiteru Margolles foi un gaiteru asturianu amás d' un de los meyores constructores de gaites de la dómina xuntu con Antón de Cogollu.

José Remis Vega ñaz en Sevares, Piloña, en 1880 y muerre' n Xixón nel añu 1963. A los nueve años prendió n' elli l' afición pe la gaita ya entós cola de casa pa dir buscar un trabayu col que poder mercar una gaita. Asina ta en Palencia trabayando tol branu n' una texera onde-y pagaron quince duros.

Cuando torna p' Asturies merca una gaita' n Colunga y entama a deprender, ensin mayestru, y escomencipia a tocar pe los pueblos, de romería' n romería y d' esfoyaza n' esfoyaza.

A los diecisiete años casó con Ramona, una rapaza del pueblu de Margolles (Cangues d'Onís), del llugar de la Capilla. Esa ye la razón de que al gaiteru Margolles tamién se lu conoza por Capilla. Ceu entama a garrar nome comu gaiteru profesional, con lo que pudo mantener una familia de catorce fíos, quince ñacíos. Los sos fíos cuenten que lu acompañaben al tambor en xires nes que percorríen Asturies delles selmanes. Dellos fíos foron grandes gaiteros como Ramón Remis o José Remis Ovalle, gaiteru Mayor d' España y d' Asturies.

El gaiteru Margolles fizo escuela de gaiteros nos primeros años del sieglu XX. Amás del so fíu José Remis Ovalle, foi alumnu suyu Eduardo Martínez (Eduardo, el de Ribeseya). La escuela Margolles-Remis ye anguaño una de les más nomaes d' ente los gaiteros tradicionales, tantu pol so repertoriu como pol so estilu.

El rei Alfonsu XIII quiso' l meyor gaiteru d' Asturies pa ser gaiteru oficial nel Palaciu Rial. Ellí unviáronse a dos de los meyores gaiteros asturianos de la dómina: Ramón García Tuero, el Gaiteru Libardón, y José Remis Vega, el gaiteru Margolles. Esti caberu yera' l que diba quedase' n Madrid pa ser gaiteru oficial d' Alfonsu XIII.

Cuando tornó p' Asturies anició a facer gaites, siendo un de los meyores nel so trabayu. Tocó la procesión de la Santina en Cuadonga' l 8 de Setiembre (Día d' Asturies) sesenta años seguíos.

Referencies[editar | editar la fonte]

Enllaces esternos[editar | editar la fonte]