José Remis Ovalle

De Wikipedia
Saltar a navegación Saltar a la gueta
José Remis OvallePicto infobox character.png
Vida
Nacimientu Margolles2  de xineru de 1910
Nacionalidá Flag of Spain.svg España
Muerte

25  de marzu de 1987

(77 años)
Estudios
Llingües falaes castellanu
Oficiu
Cambiar los datos en Wikidata

José Remis Ovalle (2  de xineru de 1910Margolles – 25  de marzu de 1987) (1910 - 1987), más conocíu como Remis Ovalle o simplemente Remis, foi quiciabes el meyor gaiteru que dió Asturies, siendo Gaiteru Mayor d' España (1970) y Gaiteru Mayor d' Asturies dos vegaes (1956 y 1970).

Remis ñaz en Margolles (Cangues d'Onís) un 2 de xineru de 1910, fíu de José Remis Vega, el gaiteru Margolles, y Ramona Ovalle. Ceo, con siete años acompaña a so pa, al tambor, pe les romeríes.

Entama a tocar la gaita de la man de so pa con doce años. Na mili tuvo destináu en Pamplona y cuando torna cásase con Consuelo Peñayos Puente.

El 5 d' agostu de 1956, nun concursu entamáu pol Ayuntamientu de Xixón, algama'l títulu de Gaiteru Mayor d' Asturies, siendo so pa segundu. En Payares d' esi añu marcha p' América faciendo una xira artística que lu tuvo lloñe d' Asturies por tres años. Como-y dixo nuna carta al so collaciu Javier, el d' Arroes taba percontentu por poder dir ver a la so hermana mayor que taba en Tampa, y que nun veía dende qu' ella coló' n 1918.

Yá de torna n' Asturies, en 1970, almaga otra vegada'l premiu de Gaiteru Mayor d' Asturies y el 22 d' agostu del mesmu añu faise col de Gaiteru Mayor d' España, quedando segundu Gabriel Mato Varela, gaiteru gallegu, miembru del grupu gallegu "Os Irmans Garceiras" de Melide, Pontevedra.

Con María Rosa Quero García, La Pastorina, prepara delles canciones que fizo perpopulares María Rosa, y nes que Remis toca la gaita. Les más nomaes foron Asturianos emigrantes, Ya suena la gaita o La madre del emigrante. Más tarde María Rosa diba ser nuera de Remis al casase col so fíu, José Antonio Remis Peñayos.

En xineru de 1987, el Centru Asturianu de Madrid concede-y el Urugallo Especial. El 22 y 30 de marzu del mesmu añu, Uviéu y Cangues, fain-y un homenaxe, con l' actuación de les más nomaes figures de la tonada asturiana.

Cola so muerte' l 25 de marzu de 1987 en Tornín, Asturies pierde a un de los sos meyores gaiteros.

El 22 d' agostu de 2010, cuando se cumplíen xustu 40 años del títulu de Gaiteru Mayor d' España, tien llugar na Plaza Mayor de Xixón el homenaxe Ya suena la gaita. 100 años de Remis Ovalle nel qu' actuaron entre otros Michael Lee Wolfe, Berto Varillas, Xaime Arias, Andrea F. Joglar, Chema Fombona, Pablo Carrera, Marco A. Guardado, Jorge Suárez Carbajal, la Banda Gaites Noega o la propia María Rosa Quero, La Pastorina. Nel actu interpretáronse trece temes perconocíos de Remis Ovalle y La Pastorina.