José Luis Rendueles
José Luis Rendueles | |
---|---|
Vida | |
Nacimientu | Vega, 1972 (51/52 años) |
Nacionalidá | España |
Estudios | |
Llingües falaes |
castellanu asturianu |
Oficiu | escritor |
Xéneru artísticu | poesía |
Jose Luis Rendueles (1972, Vega) ye un escritor asturianu.
Biografía[editar | editar la fonte]
Foi unu de los fundadores del grupu poéticu Cartafueyu, y tamién l'editor del fanzine Parsifal, dedicáu a la lliteratura fantástica, ente 1990 y 1995, nel que publicaríen los sos primeros rellatos autores como Ricardo Menéndez Salmón, Félix J. Palma o Rodolfo Martínez.
Ganó'l premiu Asturies Nuevu de Poesía del añu 1995 col llibru Momentos Acutaos, un poemariu primerizu y qu'amosaba una voz inda non asitiada, pero que-y dexó participar n'antoloxíes como “10 menos 30” de Luis Antonio de Villena.
Darréu, publicaría'l llibru de rellatos Hestories de Contorna, una escoyeta heteroxénea, que bazcuya ente la fantasía, la recreación de lleendes populares y un realismu descarnáu.
El so siguiente llibru en castellán, el poemariu Ultraxes, amosaba un mayor maduror, pero foi un llibru que pasó desapercibíu.
La so obra posterior paez desenvolvese puramente en llingua asturiana, con un fuerte apegu a la tierra.
Obra en castellán[editar | editar la fonte]
- Poesía
- Momentos acutaos (1996), premiu Asturies Nuevu de Poesía 1995
- Ultraxes (1999)
- Narrativa
- Hestories de Contorna (1998), premiu Asturies Nuevu 1997
Obra n'asturianu[editar | editar la fonte]
- Poesía
- La casería (2002), premiu Xuan María Acebal
- Albentestate (2003), Premiu Fernán Coronas de poesía
- Cabudañu (2006)
- Ferruñu (2007)
- Narrativa
- Cuentos chinos (2001)
- Los meyores cuentos del mundu y otres proses mongoles (2007)