Jon Bilbao

De Wikipedia
Saltar a navegación Saltar a la gueta
Jon BilbaoPicto infobox auteur.png
Vida
Nacimientu

Ribeseya1972

(46/47 años)
Nacionalidá Bandera d'España España
Estudios
Estudios Universidá d'Uviéu
Llingües castellanu
Oficiu
Oficiu escritor
Premios
Cambiar los datos en Wikidata

Jon Bilbao (Ribesella, Asturies, 1972) ye un escritor español.

Inxenieru de mines pola Universidá d'Uviéu. En 2005 participó nel llibru Ficciones, escoyeta de relatos de dellos autores publicada pola editorial Edaf en collaboración cola Asociación Colexal d'Escritores (ACE). Nesi mesmu añu recibió'l premiu Asturies Nuevu, na so modalidá de narrativa, pol llibru 3 relatos, publicáu en 2006 pola editorial Nobel. Ye autor tamién de les biografíes destinaes al públicu infantil: Leonardo da Vinci, l'inventor, Henry Stanley, l'esplorador (El Ruempecabeces, 2006), Shakespeare, el maestru del teatru (El Ruempecabeces, 2007) y Lewis y Clark la conquista del oeste (El Ruempecabeces, 2008). A empiezos de 2008 publicó la so primer novela L'hermanu de les mosques (Ed. Saltu de Páxina). A finales de 2008 publicó'l llibru de relatos Como una hestoria de terror (Saltu de Páxina). Con esti llibru llogró'l premiu "Güeyu Críticu de Narrativa 2008" que concede Radio Nacional d'España. En 2010 publicó'l so segundu llibru de cuentos, Sol influxu de la cometa (Saltu de Páxina), col que ganó'l Premiu Tigre Juan.[1] La so segunda novela titúlase Padres, fíos y primates (Saltu de Páxina, 2011). En 2017 empezó a publicar el so trabayu na editorial Impedimenta, sellu editorial nel qu'apaeció la so colección de cuentos Estrómboli. En 2018 publicó tres noveles curties col títulu conxuntu de El silenciu y los gruñíos (Impedimenta, 2018).[2]

Anguaño mora en Bilbao, onde trabaya como guionista de televisión, traductor y redactor de testos.

Premios y galardones[editar | editar la fonte]

  • 2005: Premiu Asturies nuevu, al pie de José Ángel Gayol. Convocáu pola Conseyería de Cultura, Comunicación Social y Turismu d'Asturies pa menores de 35 años.
  • 2007: Ganador del XXXVI Concursu de Cuento Ignacio Aldecoa pol relatu «Calor».
  • 2008: Premiu Güeyu Críticu de Narrativa por Como una hestoria de terror.
  • 2010: Premiu Tigre Juan por Sol influxu de la cometa.
  • 2011: Premiu Euskadi de Lliteratura por Sol influxu de la cometa.

Referencies[editar | editar la fonte]

Referencies[editar | editar la fonte]

  1. PIQUERO, Alberto: «Jon Bilbao facer col Tigre Juan», El Comerciu, 2 d'ochobre de 2010.
  2. Esquivias, Óscar (23 de febreru de 2018). El silenciu y los gruñíos editorial=20 minutos. https://www.20minutos.es/opiniones/oscar-esquivias-tribuna-3270597/. Consultáu 'l 23 de febreru de 2018. 



Jon Bilbao