Jesús Neira Martínez

De Wikipedia
Jesús Neira Martínez
Vida
Nacimientu El Vaḷḷe10 d'abril de 1916[1]
Nacionalidá España
Llingua materna castellanu
Muerte Uviéu2 de febreru de 2011[1] (94 años)
Estudios
Estudios Universidá d'Uviéu
Universidá de Madrid
Llingües falaes castellanu
Oficiu dialeutólogu
Miembru de Real Academia Española
Cambiar los datos en Wikidata

Jesús Neira Martínez (10 d'abril de 1916El Vaḷḷe – 2 de febreru de 2011Uviéu). Dialectólogu asturianu. Foi miembru eméritu del RIDEA.

Biografía[editar | editar la fonte]

Cursó los sos estudios de Maxisteriu, y más sero de Filoloxía Hispánica na Universidá d'Uviéu y doctoróse na Universidá de Madrid en 1951 con una tesis sobre l'asturianu faláu nel conceyu Ḷḷena. Depués d'exercer la enseñanza primario y medio obtuvo una plaza de profesor de llingua española na Escuela de Maxisteriu d'Uviéu. Más llueu, pasó a exercer la so docencia na Facultá de Filoloxía de la Universidá d'Uviéu, ú impartió hestoria del español, comentarios de testos y, n'especial, dialeutoloxía. Ingresó nel RIDEA como miembru de númberu en 1967. Tamién ye miembru correspondiente de la (Real Academia Española) dende l'añu 1983.

Jesús Neira dedicóse especialmente a la investigación dialeutolóxico, centrao básicamente nos diferentes dialeutos del asturianu. Ye autor d'El habla de Lena, El bable. Estructura e historia y Bables y castellano. Realizó tamién, xunto con María del Rosario Piñeiro Peleteiro, el Diccionario de los bables de Asturias. Arriendes d'estes obres, espublizó diversos artículos sobre los diferentes aspectos del asturianu nel cartafueyu Archivum, y nel BRAE (Boletín de la Real Academia Española). Participó en publicaciones coleutives como la Enciclopedia Temática de Asturias, La Gran Enciclopedia Asturiana, El mapa lingüístico de la España actual editáu pola Fundación Juan March y un númberu estraordinariu de la Revista de Occidente dedicáu al billingüismu. Tien tamién estudios dialeutolóxicos sobre otres llingües y dialeutos de la Península y Hispanoamérica.

Jesús Neira sostenía que'l ríu Navia constitúi la llende averada ente'l gallegu y l'asturianu.[2]

Amás de les sos investigaciones nel terrén llingüísticu, Jesús Neira vieno espublizando trabayos sobre lliteratura española, ente los que s'alcuentren dellos análisis de testos poéticos y el prólogu y la edición de les Obras Escogidas del dramaturgu y poeta ḷḷenizu Vital Aza.

Referencies[editar | editar la fonte]

  1. 1,0 1,1 Afirmao en: Diccionario biográfico español. Identificador DBE: 46289/jesus-neira-martinez. Apaez como: Jesús Neira Martínez. Data de consulta: 9 ochobre 2017. Editorial: Real Academia de la Historia. Llingua de la obra o nome: castellanu. Data d'espublización: 2011.
  2. Lenguas y áreas lingüísticas peninsulares: El proceso dialéctico de su constitución" Archivum, Tomu 31-32, 1981‑1982, páxs. 603 y 604

Bibliografía[editar | editar la fonte]

  • "Neira", na Gran Enciclopedia Asturiana, vol X, Xixón, Silverio Cañada, 1970.
  • "Neira", na Gran Enciclopedia Asturiana. Suplemento, vol 17, Silverio Cañada, 1970.
  • AAVV, Miscelánea dedicada al profesor Jesús Neira, Archivum, vol. XXXVI, 1986

Enllaces esternos[editar | editar la fonte]