Javier Ambrossi

Javier Ambrossi
Vida
Nacimientu	Madrid, 24 de xunu de 1984 (39 años)
Nacionalidá	España
Familia
Casáu con	Javier Calvo (2018 – )
Pareyes	Javier Calvo
Hermanos/es	Macarena García
Estudios
Estudios	Universidá Complutense de Madrid : periodismu; Real Escuela Superior d'Arte Dramáticu : dramaturxa
Llingües falaes	castellanu
Oficiu	actor de cine, direutor de teatru, actor de teatru, guionista, actor de televisión, direutor de cine
IMDb	nm1982169

Francisco Javier García de la Camacha Gutiérrez-Ambrossi (24 de xunu de 1984, Madrid), más conocíu como Javier Ambrossi, ye un direutor, guionista, actor y presentador español. Ye hermanu de l'actriz Macarena García.

Biografía[editar | editar la fonte]

Estudió Periodismu na Universidá Complutense de Madrid y Dramaturxa na RESAD.

La so esperiencia como actor en televisión empezó na publicidá. Darréu dio'l saltu a series nacionales como El comisario, Génesis: En la mente del asesino, Hermanos y detectives o Amar en tiempos revueltos. Los sos papeles más conocíos son Gustavo na serie Sin tetas no hay paraíso y Cristianu na serie Ciega a citas de Cuatro. Tamién trabayó en Cuéntame cómo pasó, Maitena: Estados alterados, La fuga y Arrayán.

Nel cine actuó en Sexykiller, morirás por ella y como personaxe principal en El trunfu, una película de Mireia Ros sobre la Barcelona de los 80, escoyida pol Festival de Málaga y la Berlinale. Y en el teatru, en L'enemigu de la clase de Nigel Williams, dirixíu por Marta Angelat o en Beaumarchais de Sacha Guitry empobináu por Josep Maria Flotats.

Al pie de la so pareya'l tamién actor Javier Calvo, escribió y empobináu montaxes teatrales como l'esitosu musical La llamada, pol que ganó'l Broadway World a Meyor Direutor Artísticu. Tamién crearon la serie Paquita Salas, ganadora de trés Premios Feroz, y dirixeron l'adaptación cinematográfica del so musical, La Llamada con gran ésitu de crítica y públicu. Pol so debú cinematográficu fueron nomaos, ente otros munchos premios, a los Goya nes categoríes de Meyor Direición Novel y Meyor Guión Adautáu.

Foi unu de los presentadores de la canal musical de TDT Fly Music. Y tamién reporteru de la canal internacional Animax. Tamién collaboró en Likes de la canal 0 de Movistar+.

Dende ochobre de 2017 ye profesor d'interpretación de la nueva edición de Operación Triunfo 2017 xunto a Javier Calvo.^[3]

Vida privada[editar | editar la fonte]

Dende 2010 caltién una rellación sentimental col actor y direutor Javier Calvo.^[4]

Ye hermanu de l'actriz Macarena García.

Filmografía[editar | editar la fonte]

Cine[editar | editar la fonte]

Como actor[editar | editar la fonte]

El trunfu (2006)
Sexykiller, morirás por ella (2008)

Como direutor y guionista[editar | editar la fonte]

La llamada (2017)

Televisión[editar | editar la fonte]

Como actor[editar | editar la fonte]

El comisario como Episodiu (1999 - 2000)
Génesis: En la mente del asesino como Episodiu (2006 - 2007)
Hermanos y detectives como Sebastián (2007)
Amar en tiempos revueltos como Sergio, estudiante de la universidá d'Alicia (2007 - 2008)
Maitena: Estados alterados como Charly (2008)
Sin tetas no hay paraíso como Episodiu (2009)
Arrayán como Jessie (2012)
La fuga como Gallardo(2012)
Ciega a citas como Cristiano, becariu de Morcillo (2014)
Cuéntame cómo pasó como Richi (2015 - 2016)
Looser como él mesmu (2018 - presente)

Como creador, guionista y direutor[editar | editar la fonte]

Paquita Salas (2016-presente)

Como collaborador/presentador[editar | editar la fonte]

Fly Music. Presentador
Animax. Reporteru *[[Likes

(programa de televisión)|Likes]]. Collaborador

Operación Triunfo. Profesor d'interpretación (2017-presente)

Teatru[editar | editar la fonte]

Como autor y direutor[editar | editar la fonte]

Windsor. Como autor y direutor (2012)
Miss Fogones Universal. Como autor y direutor (2013)
La llamada. Como autor y direutor xunto a Javier Calvo (2013-actualidá)

Como actor[editar | editar la fonte]

Beaumarchais. Empobinada por Josep Maria Flotats con testu de Sacha Guitry. (2010–2011)
¡A sacu!. Empobinada por Juan José Afonso con testu de Joe Orton, Loot. (2010)
L'enemigu de la clase. Empobinada por Marta Angelat con testu de Nigel Williams. (2007–2009)