Jamie Hector

Jamie Hector
Vida
Nacimientu	Brooklyn, 7 d'ochobre de 1975 (49 años)
Nacionalidá	Estaos Xuníos
Llingua materna	inglés
Estudios
Estudios	William Esper Studio (es)
Llingües falaes	inglés
Oficiu	actor de televisión, actor de cine, actor, actor de voz
IMDb	nm0373100
	jamiehectoronline.com

Jamie Hector (7 d'ochobre de 1975, Brooklyn) ye un actor d'Estaos Xuníos d'orixe haitianu, conocíu por interpretar al capo de la droga Marlo Stanfield na serie de la HBO The Wire.

Biografía

Hector empezó a actuar dempués d'acabar los estudios secundarios. Cuando entró na universidá, empezó a actuar en pequeñes actuaciones pa les series New York Undercover, Third Watch, Llei & Orde, Law & Order: Special Victims Unit, The Beat, y Oz.

La so primer apaición en cine foi na película de Spike Lee: Clockers. Dempués, apaeció en diverses películes como He Got Game, Ghost Dog, Prison Song, Everyday People y Paid in Full. Hector tamién actuó nel curtiu Five Deep Breaths, dirixíu por Seith Mann, que foi escoyíu pa Cannes, Sundance, Tribeca, and IFP Film Festivals, atropando 16 premios.

David Simon, creador de The Wire, citó Five Deep Breaths como la razón pola qu'acabó contratando a Hector. Foi unu de los personaxes principales mientres tres temporaes.

Darréu, trabayó na película Blackout con Melvin Van Peebles y Jeffrey Wright, y como'l villanu Benjamin "Knox" Washington na tercer temporada de la serie Heroes. Tamién participó na película de 2008 Max Payne, onde interpretó a Lincoln DeNeuf, un xefe del crime haitianu.

Referencies

↑ Identificador CONOR.SI: 243070819. Afirmao en: CONOR.SI.

Enllaces esternos

Wikimedia Commons tien conteníu multimedia tocante a Jamie Hector.

[95f12b4cf8f6654fb9eb250cf39e19e4e0d2c793-1] Identificador CONOR.SI: 243070819. Afirmao en: CONOR.SI.

[1]