Islles Hébrides

De Wikipedia
Saltar a: navegación, buscar
Mapa de les Islles Hebrides
Tierres altes escoceses

Les islles Hébrides (n'inglés, Hebrides; en gaélicu escocés, Innse Gall) son un estensu archipiélagu na mariña oeste d'Escocia. El mar que les baña, un brazu del océanu Atlánticu, lleva tamién el so nome, mar de les Hébridas. Administrativamente, les islles pertenecen al Reinu Uníu de Gran Bretaña ya Irlanda del Norte.

Dende'l puntu de vista xeolóxicu, comprobóse qu'esti archipiélagu ta compuestu poles roques más antigües de les islles Britániques. Presenten comúnmente formes montascoses, recortaes y serrapatoses, por cuenta de los distintos axentes d'erosión qu'actúen sobre elles. Xeolóxicamente tán constituyíes na so mayoría por gneis, especialmente les más occidentales, por esquistos (Xura y Islay) y por roques basáltiques (Mull, Skye y Staffa) que se presenten en forma d'espectaculares columnes. Tienen un clima templáu-fríu y bien húmedu. Comúnmente les Hébridas suelen estremase en dos grupos:

  • Les Hébridas Interiores, compuestes poles islles mayores Skye, Mull, Islay, Xura y Staffa.
  • Les Hébridas Esteriores, compuestes poles islles mayores Lewis, Harris, Berneray, North Uist, South Uist y Saint Kilda.

Les Hébridas Interiores son un allongamientu del territoriu escocés y tán dixebraes de les Hébridas Esteriores por una fonda depresión tectónica cubierta peles agües del mar. A 90 y 35 km respectivamente al oeste de les Hébridas Esteriores surden de les agües del océanu Atlánticu les estorbises deshabitados de Flannan y Saint Kilda, qu'escarecen d'interés económicu. La mayoría de los falantes nativos de gaélicu escocés habiten nes islles.

Les Hébridas, en xunto, tien una superficie de 7.285 km2 y una población d'unos 70.000 habitantes, qu'ocupa solamente un centenar d'islles, permaneciendo les otres cuatrocientes deshabitadas. Los principales recursos económicos de los isleños son la pesca, la cría de ganáu bovino y ovín, la producción artesanal de tweed, la destilación de güisqui y, como actividá secundaria, el cultivu d'hortolices y ceberes. La ciudá más importante ye Stornoway (na isla de Lewis), que ye un puertu pesqueru.