Islles Crozet

Coordenaes: 46°23′S 51°40′E / 46.38°S 51.67°E / -46.38; 51.67
De Wikipedia
Islles Crozet
Situación
PaísBandera de Francia Francia
Territoriu dependiente Tierres Australes y Antártiques Franceses
Tipu archipiélagu
Parte de Terres Australes Françaises (es) Traducir
Asitiáu en Océanu Índicu
Coordenaes 46°23′S 51°40′E / 46.38°S 51.67°E / -46.38; 51.67
Islles Crozet alcuéntrase n'Océanu Índicu
Islles Crozet
Islles Crozet
Islles Crozet (Océanu Índicu)
Datos
Altitú media 1050 m
Puntu más altu Mont Marion-Dufresne (en) Traducir
Superficie 352 km²[1]
Cambiar los datos en Wikidata

Les islles Crozet (Francés: Îles Crozet y oficialmente Archipel Crozet) son un archipiélagu subantártico compuestu por delles islla pequeñes, y asitiaes na parte sur del océanu Índicu. Alministrativamente, formen parte de los Territorios Australes Franceses.

Xeografía[editar | editar la fonte]

L'archipiélagu ta compuestu de seis islles, la mayor parte d'elles volcániques, más un grupu de castros y roques formando un arcu. La siguiente tabla llista les seis principales islles, ordenaes pola llocalización xeográfica (d'Oeste a Esti):

Nᵘ Islla Área (km²) Altor máximu (m) Máxima elevación Coordenaes
1 Île aux Cochons (Islla de los Gochos) 67 770 Mont Richard-Foy 46°06′S 50°14′E / 46.100°S 50.233°E / -46.100; 50.233
2 Brisants de l'Héroïne (Cachón de la Heroína) o
Rochers de la Meurthe (Roques de Meurthe)		 0 5   46°13′S 50°22′E / 46.217°S 50.367°E / -46.217; 50.367
3 Île des Pingouins (Islla de los Pingüinos) 3 340 Mont des Manchots 46°27′S 50°23′E / 46.450°S 50.383°E / -46.450; 50.383
4 Îlots des Apôtres (Castros de los Apóstoles) 2 289 Mont Pierre 45°58′S 50°27′E / 45.967°S 50.450°E / -45.967; 50.450
5 Île de la Possession (Islla de la Posesión) 150 934 Pic du Mascarin 46°24′S 51°46′E / 46.400°S 51.767°E / -46.400; 51.767
6 Île de l'Est (Islla del Este) 130 1050 Mont Marion-Dufresne 46°26′S 52°18′E / 46.433°S 52.300°E / -46.433; 52.300
  Îles Crozet (Islles Crozet) 352 1050 Mont Marion-Dufresne 45°57' a 46°29'S
50°10' a 52°19'Y


Les Islles Crozet tán despoblaes, sacante pola estación científica Alfred Faure (Puertu Alfred) na cara esti de la Île de la Possession, que lleva habitada dende 1963. Otres estaciones científiques tuvieron alcontraes en La Grande Manchotière y La Petite Manchotière.

Subgrupos[editar | editar la fonte]

  • Les islles 1 y 3 son conocíes comúnmente como L'Occidental (Grupu Occidental)
  • La islla 2 ye de fechu un grupu de dos roques grandes asitiaes a 10 km al sur d'Île aux Cochons
  • La islla 4 ye un grupu de tres islles, Grand Île (1.2 km²), Petite Île, Île Donjon, y nueve roques con elevaciones d'ente 15 y 122 m.
  • Les islles 5 y 6 son conocíes como L'Oriental (Grupu Oriental).

Los grupos Oriental y Occidental tán asitiaos a 94.5 km del otru (dende Île des Pingouins a Île de la Possession).

Xeoloxía[editar | editar la fonte]

Analís de les anomalíes magnétiques de la plataforma marina indiquen que la Plataforma Crozet, de les cualos les islles son los puntos más altos, formóse hai 50 millones d'años. Les islles son d'orixe volcánicu. Atopóse basaltu d'hai siquier 8.8 millones d'años.

Clima[editar | editar la fonte]

Les Islles Crozet nun son glaciales anguaño. La precipitación media añal ye de más 1780 mm. Llueve de media 173 díes al añu, y los vientos de más de 100 km/h asoceden 100 díes al añu. La temperatura puede xubir hasta 18°C pel branu, ente que pel hibiernu nun ye inusual que baxe menos de 0 °C.

  Parámetros climáticos permediu d'Alfred Faure, Islles Crozet (1981–2010) 
Mes Xin Feb Mar Abr May Xun Xnt Ago Set Och Pay Avi añal
Temperatura máxima absoluta (°C) 22.4 21.7 21.2 19.7 16.5 16.0 14.9 16.4 15.4 17.5 19.7 20.7 22.4
Temperatura máxima media (°C) 10.4 11.0 10.1 9.1 7.2 6.1 6.0 5.4 5.8 6.8 7.8 9.2 7.9
Temperatura media (°C) 7.5 8.1 7.4 6.5 4.9 3.8 3.7 3.2 3.3 4.1 5.0 6.3 5.3
Temperatura mínima media (°C) 4.5 5.2 4.8 3.9 2.5 1.5 1.4 0.9 0.8 1.3 2.3 3.3 2.7
Temperatura mínima absoluta (°C) 0.0 0.7 −0.4 -1.7 -2.5 -3.7 -5.0 -4.7 -6.6 -3.9 -2.8 −1.9 −6.6
Precipitación total (mm) 127.8 129.1 146.2 160.2 186.2 131.7 139.2 157.3 163.6 156.2 147.9 142.0 1782.5
Díes de precipitaciones (≥ 1.0 mm) 12.97 11.64 13.37 15.89 16.54 14.85 15.81 16.04 14.75 13.86 12.92 14.88 172.91
Hores de sol 96.6 74.7 65.4 10.9 17.1 14.8 30.8 41.9 46.1 62.1 80.1 63.2 600.4
Fonte: Meteo climat[2][3]

Historia[editar | editar la fonte]

Les Islles Crozet fueron afayaes na espedición de Marc-Joseph Marion du Fresne, un esplorador francés que paró'l 24 de xineru de 1772 en Île de la Possession, tomando posesión del archipiélagu pa Francia. El nome de les islles provién del so segundu d'a bordu, Jules Crozet. (Marion nomara Islla de Marion enantes...)

De primeres del sieglu XIX les islles yeren visitaes frecuentemente por cazadores de foques, al puntu que les foques fueron práuticamente esterminaes en 1835. Dempués d'esto, la caza de ballenes foi l'actividá más común nes islles, especialmente per parte de balleneros de Massachusetts.

Los fundimientos de barcos fueron frecuentes nes Islles Crozet. El barcu cazador de foques británicu Princess of Wales fundiose en 1821, y los sobrevivientes pasaron dos años nes islles. En 1887 el buque francés Tamaris fundiose na Île des Cochons. Los sobrevivientes arreyaron una nota na pata d'un petrel xigante, que foi atopáu siete meses más tarde en Fremantle. Desafortunadamente, la tripulación nunca foi atopada. Yá que los fundimientos de barcos alredor de les islles yeren bien comunes, l'Armada Real británica unviaba un barcu cada ciertu númberu d'años en busca de sobrevivientes.

Orixinalmente, Francia alministró les islles como una dependencia de Madagascar. En 1955 fueron tresferíes a la xurisdicción de los Territorios Australes Franceses. En 1961 establecióse la primer estación científica, y en 1963 la estación permanente Albert Faure, en Puerto Albert en Île de la Possession (Albert Faure foi'l primer direutor de la estación). La estación ta habitada por ente 18 y 30 persones, dependiendo de la estación. Lleven a cabu investigación meteorolóxica, biolóxica y xeolóxica, y caltiénse un sismógrafu.

Bioloxía[editar | editar la fonte]

Les islles Crozet considérense un paraísu natural. Pueden atopase cuatro especies de pingüíns. El más común ye'l pingüín Macaroni, con unos dos millones de pareyes, y el pingüín emperador. Tamién hai pingüinos Rockhopper y una pequeña colonia de pingüín papúa. Tamién hai una gran variedá de pinnípedos, ente los que destaquen los elefantes marinos del Hemisferiu Sur. Nel mar habiten les orques meyor estudiaes nel Océanu Índicu y dellos cachalotes.

Llistáu total d'islles, castros y roques[editar | editar la fonte]

Ver tamién[editar | editar la fonte]

Referencies[editar | editar la fonte]

  1. ↑ Afirmao en: répertoire géographique des communes. Data de consulta: 26 ochobre 2015. Editorial: Institut national de l'information géographique et forestière.
  2. ↑ «Moyennes 1981/2010: France (Terres Australes)» (francés). Météoclimat. Consultáu'l 14 de xunu de 2015.
  3. ↑ «STATION Alfred Faure» (francés). Météoclimat. Consultáu'l 14 de xunu de 2015.

Enllaces esternos[editar | editar la fonte]

Sacáu de «https://ast.wikipedia.org/w/index.php?title=Islles_Crozet&oldid=4102296»