Islla Beechey
| Islla Beechey | |
|---|---|
 Tumbes de trés de los miembros de la espedición perdida de Franklin. | |
| Situación | |
| País |  Canadá |
Territorio (es)  |  Nunavut |
| Tipu | islla |
| Parte de | Islles de la Reina Isabel |
| Asitiáu en | Océanu Glacial Árticu |
| Coordenaes | 74°43′00″N 91°51′00″W / 74.7167°N 91.85°O |
  Islla Beechey Islla Beechey (Canadá) | |
| Datos | |
| Altitú media | 198 m |
| Superficie | 4,6 km² |
| Población | 0 |
| Noamáu por | William Beechey |
| Llonxitú | 3,1 km |
 | |
La islla de Beechey ye una pequeña islla asitiada nel archipiélagu árticu canadiense, mui cerca de la mariña occidental d'islla Devon. Alministrativamente pertenez al territoriu autónomu de Nunavut, Canadá.
Xeografía[editar | editar la fonte]
La islla de Beechey ye una islla pequeña asitiada a unos 2 km de la mariña occidental d'islla Devon, a la que xune en marea baxa un pequeñu istmu. Cierra pela so parte oeste la pequeña badea del Erebus, un fondeaderu que la converten nun escelente puertu natural, abrigada de les corrientes y vientos del oeste y del norte. Tien unu llargor de tan solo 2,5 km y unu anchor de 2,1 km, siendo un pequeñu puexu d'unos 198 m d'altor.
La islla ta na ribera septentrional del estrechu Lancaster, señalando l'entamu de la canal de Wellington.
Historia[editar | editar la fonte]
La islla foi afayada en 1819 pola espedición de William Edward Parry y foi nomada n'honor del entós teniente Frederick William Beechey (1796-1856), segundu de Parry nel barcu HMS Hecla.
La islla ye'l sitiu de dellos eventos bien importantes na historia de la esploración del Árticu. En 1845, l'esplorador británicu sir John Franklin, al mandu d'una nueva espedición de busca del Pasu del Noroeste, colos barcos HMS Erebus y HMS Terror, escoyó'l puertu protexíu d'islla Beechey para'l so primer campamentu d'iviernu. Esa espedición sumió y les espediciones de rescate unviaes alcontraron en 1851 esi campamentu d'iviernu. Atoparon un gran túmulu de piedra, al pie de les tumbes de trés miembros de la tripulación de Franklin -el suboficial John Torrington, William Braine, y John Hartnell- pero nun atoparon constancia escrita o una indicación d'escontra onde tenía previstu navegar Franklin la próxima temporada.
El 18 d'agostu de 1853, Joseph René Bellot un oficial de la marina francesa, que participaba nes nueves busques de Franklin, afogose nel estrechu de Barrow, a poca distancia de la islla. Un memorial en piedra n'honor so foi alzáu na islla de Beechey.[1] [2]
Na década de 1980, l'antropólogu forense canadiense Owen Beattie desenterró los tres cuerpos, atopándolos (externamente) notablemente bien calteníos. Les autopsies determinaron que les causes más probables de muerte seríen una afección pulmonar o l'envelenamientu por chombu (el chombu provendría del selláu de los miles de llates de suministru que llevaba la espedición de Franklin).
En 1979, el gobiernu de los Territorios del Noroeste declaró islla Beechey como "sitiu d'importancia histórica territorial".
Dende 1999, la islla Beechey forma parte del entós creáu territoriu autónomu canadiense de Nunavut.
Referencies[editar | editar la fonte]
- ↑ [1] (n'inglés)
- ↑ -yos parcs et lieux historiques nationaux du Canada au Nunavut(en francés)
Enllaces esternos[editar | editar la fonte]
Wikimedia Commons acueye conteníu multimedia sobre Islla Beechey 
.- Mapa de la islla de Beechely.
- Nationalgeographic.com.es - Encontraos restos de John Gregory, miembru de l' espedición de Franklin al pasu del Noroeste (castellán)
Datos: Q741133- Multimedia: Beechey Island