Institutu Aragonés del Catalán

Institutu Aragonés del Catalán
	organización
País	España
Autonomía	Aragón
Direición	España
Historia
Fundación	2018
Pertenez a	Academia Aragonesa de la Llingua

L'Institutu Aragonés del Catalán (en catalán y oficialmente Institut Aragonès del Català) ye un órganu de trabayu de l'Academia Aragonesa de la Llingua que, según los Estatutos d'esta institución ^[1], propondrá al Plenu la implementación, adautada a la realidá aragonesa, de la normativa vixente pal catalán, y velará pola so aplicación.

Competencies

Les competencies del Institutu Aragonés del Catalán^[1] son:

Proponer al Plenu de l'Academia Aragonesa de la Llingua l'adautación de les normes gramaticales vixentes pal catalán, considerando la diversidá dialectal existente n'Aragón.
Inventariar y actualizar el léxicu.
Estimular l'usu, deprendimientu y difusión del catalán d'Aragón y de les sos diferentes modalidaes.
Defender y provomer el catalán d'Aragón y les sos modalidaes, y velar polos derechos llingüísticos de los falantes de catalán d'Aragón.
Collaborar na formación del profesoráu.
Proponer el criteriu d'autoridá nes cuestiones relatives a la normativa, actualización y usu correutu del catalán d'Aragón.
Asesorar a los poderes públicos y instituciones sobre temes rellacionaos col usu correutu del catalán d'Aragón, la so promoción social, asina como sobre'l determín oficial de los topónimos y los antropónimos y ellaborar el nomenclátor toponímicu del territoriu aragonés de llingua catalana.
Les que nel ámbito de la s competencia-y encomiende'l Gobiernu d'Aragón.

Composición

L'Institutu Aragonés del Catalán ta compuestu por miembros de númberu y miembros correspondientes. Los miembros de númberu, nun númberu impar ente 7 y 15, sedrán académicos de númberu de l'Academia Aragonesa de la Llingua.

Son miembros de númberu del Institutu Aragonés del Catalán:

Comisión Permanente

El gobiernu ordinariu del Institutu Aragonés del Catalán ye exercíu por una Comisión Permanente formada por un direutor, un subdireutor, un secretariu-alministrador y dos vocales. La primer Comisión Permanente ta formada por:

Direutor: Javier Giralt Latorre.
Subdireutor: Ramon Sistac Vicen.
Secretaria-alministradora: María Teresa Moret Oliver.
Vocal: Carmen Alcover Pinós.
Vocal: Merxe Llop Alfonso.

Ver tamién

Referencies

1 2 Decreto 56/2018, de 10 de abril, d'o Gubierno d'Aragón, per lo cual s'apreban los Estatutos de l'Academia Aragonesa d'a Luenga.

Enllaces esternos

(castellán) Sitiu web oficial

[Estatutos-1] 1 2 Decreto 56/2018, de 10 de abril, d'o Gubierno d'Aragón, per lo cual s'apreban los Estatutos de l'Academia Aragonesa d'a Luenga.

[1]