Ilesia de Sant Vicenç d'Enclar

Ilesia de Sant Vicenç d'Enclar
	ilesia
Llocalización
País	Andorra
Parroquia	Andorra la Vieya
Ciudá	Andorra la Vieya
Coordenaes	42°29′45″N 1°29′38″E / 42.4957°N 1.4938°E
	Ilesia de Sant Vicenç d'Enclar Ilesia de Sant Vicenç d'Enclar (Andorra)

La ilesia románica de San Vicenç d'Enclar (en catalán: Sant Vicenç d'Enclar o Sant Vicenç de Montclar) ye, xunto cola ilesia de Santa Coloma, una de les más antigües del Principáu. Dambes tópense na parroquia d'Andorra la Vella, na llocalidá de Santa Coloma.

Esta primitiva ilesia formaba parte del conxuntu fortificáu d'Enclar, de dómina visigótica. La planta de la ilesia de San Vicenç ye rectangular y l'ábside cuadráu. Tien un campanariu de torre adosáu a la paré sur de la nave, de planta circular, coronáu con un pisu de ventanales y con un segundu pisu de siete pequeñes ventanes con arcu ultrapasáu. Probablemente, la so construcción llevóse a cabu nel sieglu IX: la so tipoloxía correspuéndese colos tipos habituales de l'arquiteutura catalana y languedociana del sieglu X y anteriores.

Foi restaurada va dellos años, recuperando asina'l so aspeutu orixinal. Afayala rique un pequeñu esfuerciu, yá que solo puede aportase a la mesma andando.

Les escavaciones ya investigaciones feches na zona dexaron establecer que'l conxuntu de San Vicenç d'Enclar constaba básicamente d'un sector nel que se concentraba la vida relixosa, cola ilesia y los entierros, una serie de pequeños nucleos de viviendes colos sos servicios y, finalmente, la muralla cola torre de defensa.

Referencies[editar | editar la fonte]

Enllaces esternos[editar | editar la fonte]