Hydrus

La Culiebra Marina; Hydrus
	; Carta celeste de la constelación de la Culiebra Marina na qu'apaecen les sos principales estrelles.
Nomenclatura
Nome; n'asturianu	La Hidra Machu o la Culiebra Marina
Nome; en llatín	Hydrus
Xenitivu	Hydri
Abreviatura	Hyi
Descripción
Introducida por	Pieter Dirkszoon Keyser ; y Frederick de Houtman
Superficie	243,0 graos cuadraos; 0,589 % (posición 61)
Ascensión; reuta	Ente 0 h 6,13 m; y 4 h 35,18 m
Declinación	Ente -82,06° y -57,85°
Visibilidá	Completa:; Ente 90° S y 8° N; Parcial:; Ente 8° N y 32° N
Númberu; d'estrelles	33 (mv < 6,5)
Estrella; más brillante	Beta Hydri (mv 2,80)
Oxetos; Messier	Nengunu
Oxetos NGC	16
Oxetos; Caldwell	Nengunu
Lluvies; de meteoros	Nenguna
Constelaciones; colindantes	8 constelaciones Doráu; Eridanus; Horologium; Mensa; Octans; Phoenix; Reticulum; Tucana;
Meyor mes pa ver la constelación; Hora llocal: 21:00
Mes	Avientu
	[editar datos en Wikidata]

Hydrus (Llatín pa Hidra, tamién se refiera al "Hidra machu" o "pequeñu Hidra") ye una constelación austral. Ye una de les 20 constelaciones creaes por Pieter Dirkszoon Keyser y Frederick de Houtman ente los años de 1595 y 1597, y la so primer apaición ye nel llibru Uranumetria de Johann Bayer en 1603.

Nun tien de confundir se con Hidra, la constelación más estensa del cielu nocherniegu.

Caraterísticas destacables

Les principales estrelles de Hydrus —α Hydri, β Hydri y γ Hydri— son estrelles de tercera magnitú que formen un triángulu al sur de la brillosa Achernar (α Eridani). β Hydri, asitiada a 24 años lluz del Sistema Solar, ye una estrella mariella más evolucionada y antigua que'l nuesu Sol que s'atopa en fase de subxigante. Alredor de η² Hydri —estrella xigante nesta constelación— detectóse un planeta estrasolar masivu.

Estrelles

Estrelles principales

α Hydri, estrella blancu-mariella de la secuencia principal, la segunda más brillosa d'esta constelación con magnitú 2,90.
β Hydri, con magnitú 2,80, ye una subxigante mariella cercana, asitiada a pocu más de 24 años lluz del Sistema Solar.
γ Hydri, xigante colorada de magnitú 3,26.
δ Hydri, estrella blanca de la secuencia principal de magnitú 4,08.
θ Hydri, una estrella químicamente peculiar del tipu Bw —amuesa llinies débiles d'heliu nel so espectru— de magnitú 5,50.
η Hydri ye una denominación de Bayer compartida por dos estrelles disintas; η¹ Hydri, de magnitú 6,77, y η² Hydri, de magnitú 4,69, estrella xigante con un planeta estrasolar masivu.

Otres estrelles con denominación de Bayer

ε Hyi 4,12; ζ Hyi 4,83; ι Hyi 5,51; κ Hyi 5,99; λ Hyi 5,09; μ Hyi 5,27; ν Hyi 4,76; π¹ Hyi 5,57; π² Hyi 5,67; σ Hyi 6,15; τ¹ Hyi 6,33; τ² Hyi 6,05

Otres estrelles

Gliese 127.1, nana blanca distante 33,1 años lluz.
Gliese 3021, nana mariella con un planeta estrasolar.
HD 13551, estrella peculiar considerada güei una estrella CH.

Oxetos de cielu fondu

NGC 1466, cúmulu globular probablemente acomuñáu cola Gran Nube de Magallanes.
NGC 1511, galaxa espiral peculiar acompañada por otres dos galaxes.

Mitoloxía

Puesto que foi creada nel sieglu XVII y por cuenta de la so posición austral nun foi visible pa les cultures antigües, polo que nun tien mitoloxía rellacionada.

Referencies

Enllaces esternos

Wikimedia Commons tien conteníu multimedia tocante a Hydrus.

Plantía:Estrelles de Hydrus