Historia de Somiedu

De Wikipedia
Saltar a navegación Saltar a la gueta

En Somiedu entá s'alcuentren les ancestrales menes de vida que, col únicu fedaguín de percanciar la sobrevivencia humano, finaron por-y dar el calter y personalidá de so.


De magar el Neolíticu hasta la Romanización[editar | editar la fonte]

Pueblos agrícoles y ganaderos, estableciéronse nel Neolíticu españando la paisax, mas duna frasca feble por mor de les dures condiciones climáticu-xeográfiques. Sicasí, los nicios de población más antiergos correspuenden a la Edá de Bronce (2000 e.C.) de la que finquen, de magar entós, dellos túmbalos como’l d'El Couto. Tamién afayáronse una bruesa de calcañu y unes anielles en Santullano (Pigüeces).

Demientres l'aportada de los ástures establécese equí la triba de los Pésicos, que calteniendo la so cultura castreña, de magar el 500 e.C. al 300 d.C, dexa asentamientos tan emportantes como los castros de La Corona (La Pola), El Castieḷḷu (Gúa) o El Remonguilla (La Riera).

La presencia romana en Somiedu dexóse sentir poco por mor de l'ausencia de dellos recursos minerales atrayentes pa l'invasor como oru, plata, etc… La güella más notable d'esa dominación foi la construción de la pedrera d'El camín Real, que xunía estratéxicamente el coral de l'Asturia, Lucus Asturum (Llugo de Llanera), con Astúrica augusta (Astorga), enmarcándose dientro la llamada Ruta de la Plata.

Edá Media[editar | editar la fonte]

La emportancia estratéxica d'esta ruta, únicu acesu facia Asturies dende la meseta, despaladina les munches y sobresalientes batalles demientres la Reconquista. Yá na dómina altomedieval xurden les primeres enformaciones escrites acierca Somiedu col primitivu nome de “”Sometum””. Deica los sieglos XI-XII so nome cobra gran sonadía gracies al so ablucante espoxigue ganaderu . Los amplios pradiales y balderos propiciaron el xorrecimientu de cenobios, que finaron por ser dueños de grandes propiedaes y de l'empoder social, políticu y económicu, fasta’l puntu de mandar dafechu escontra’l sieglu XII. Ye'l casu del cenobiu de Santa María de Lapedo (Miranda), acupáo por monxes, que dominaba'l valle del Baxu Somiéu y el Pigüeña. Otru exemplu foi el cenobiu de Santa María de Gúa, fundáo na segunda metá del sieglu XII por Fernandu II de Lleón y la so muyer doña Urraca, habitáo por una comuña de relixoses cistercienses que, deica 1412, treslladáronse p'Avilés.

Edá Moderna[editar | editar la fonte]

Edá Contemporánea[editar | editar la fonte]