Gullfoss

Gullfoss
Situación
País insular	Islandia
Rexones	Suðurland (es)
Conceyu	Bláskógabyggð
Tipu	Catarata
Parte de	Ríu Hvítá
Asitiáu en	Ríu Hvítá
Coordenaes	64°19′34″N 20°07′16″W / 64.326111111111°N 20.121111111111°O
	Gullfoss Gullfoss (Islandia)
Datos
Caudal	140 m³/s
	Web oficial

Gullfoss (i. y. Cascada Dorada) ye un tabayón asitiáu nel cañón del ríu Hvitá nel sureste d'Islandia. Forma parte de la ruta turística del Círculu Doráu.

Carauterístiques[editar | editar la fonte]

Gullfoss ye una de les atraiciones más populares del país. Atópase nel ampliu calce del ríu Hvítá, que flúi escontra'l sur y a un quilómetru de la cascada xira sópito escontra l'este cayendo en trés gradies curvados. Nesi momentu cayese en dos saltos (de 11 y de 21 metros) nun resquiebru de 32 metros de fondura, que mide unos 20 metros d'anchu y 2,5 quilómetros de llargu. El caudal mediu nesti tabayón ye de 140 metros cúbicos per segundu pel branu y 80 pel hibiernu. El máximu fluxu d'agua midíu ye de 2.000 metros cúbicos.

Mientres la primer metá del sieglu XX y dellos años más palantre, creóse una importante especulación avera del posible usu de Gullfoss pa xenerar eletricidá. Mientres esti periodu'l tabayón foi arrendada indireutamente a inversores estranxeros polos sos dueños, Tómas Tómasson y Halldór Halldórsson. Sicasí, los intentos de los inversores de llevar a cabu'l proyeutu fracasaron, parcialmente por falta de fondos. El tabayón foi vendida darréu al estáu islandés. Inclusive entós escurriéronse planes pa esplotar el Hvítá, lo que camudaría Gullfoss para siempres. Estos planes nun se llevaron a cabu y agora Gullfoss ta protexíu.[cita ^{[ensin referencies]}

Xunto con Þingvellir y los géisers de Haukadalur, Gullfoss forma parte del Círculu Doráu, una ruta turística d'un día bien popular n'Islandia.