Grupos Antiterroristes de Lliberación
| Grupos Antiterroristes de Lliberación | |
|---|---|
organización terrorista y escuadrón de la muerte (es)  | |
 | |
| Direición | España |
| Historia | |
| Fundación | 1983 |
| Disolución | 1986 |
 | |
Los Grupos Antiterroristes de Lliberación o GAL foron una agrupación terrorista española. Facien terrorismu d'estáu escontra ETA y el so entornu. Foron creados y dirixios dende Ministeriu del Interior español, entos dirixíu pol gobiernu del Partíu Socialista Obreru Español demientre'l gobiernu de Felipe González.
Actuaciones
[editar | editar la fonte]Los GAL tuvieron activos dende 1983 a 1987 asesinando a 27 persones. Actuaron principalmente nel País Vascu francés, anque tamién secuestraron, torturaron y cometieron delitos económicos en otres partes d'España. Los sos atentaos yeren dirixios escontra militantes de ETA, pero tamién escontra xente que nun taba rellacionada col terrorismu. Ente los asesinatos tan los casos de José Antonio Lasa y José Ignacio Zabala n'ochobre de 1983 y el secuestru de Segundo Marey pocu tiempu dempués marcaron l'entamu del terrorismu de los GAL.
Condenes
[editar | editar la fonte]Dalgunos de los condergaos pol Tribunal Supremu foron[1]:
- José Barrionuevo, Ministru d'Interior, por secuestru y malversación de caudales públicos, a 10 años de cárcele y 12 de inhabilitación absoluta.
- Rafael Vera, Secretariu d'Estado pa la Seguridá, por secuestru y malversación de caudales públicos, a 10 años de cárcele y 12 de inhabilitación absoluta.
- Ricardo García Damborenea, Secretariu xeneral del PSOE en Vizcaya, por secuestru, a 7 años de cárcele y 7 de inhabilitación.
- Francisco Álvarez, Xefe de la Llucha Antiterrorista, por secuestru y malversación de caudales públicos, a 9 años y seis meses de cárcele y 11 de inhabilitación.
- Miguel Planchuelo, Xefe de la Brigada de Información de Bilbao, por secuestru y malversación de caudales públicos, a 9 años y seis meses de cárcele.
- José Amedo, Subcomisariu de la policía, por secuestru y malversación de caudales públicos, a 9 años y seis meses de cárcele.
- Julián Sancristóbal, Gobernador civil de Vizcaya, por secuestru y malversación de caudales públicos, a 10 años de cárcele y 12 de inhabilitación absoluta.
- Michel Domínguez, Policía, por cómpliz del delitu de secuestru, a 2 años, cuatro meses y un día de cárcele, ya inhabilitación pol mesmo tiempu.
- Enrique Rodríguez Galindo, Xeneral de la Guardia Civil, por detención illegal y asesinatu de Lasa y Zabala, a 75 años de cárcele ya inhabilitación.
- Ángel Vaquero, ex Teniente Coronel de la Guardia civil, por detención illegal y asesinatu de Lasa y Zabala, a 69 años de cárcele ya inhabilitación.
- Julen Elgorriaga, ex Gobernador civil de Guipúzcoa, por detención illegal y asesinatu de Lasa y Zabala, a 71 años de cárcele ya inhabilitación.
Referencies
[editar | editar la fonte]Enllaces esternos
[editar | editar la fonte]
Wikimedia Commons acueye conteníu multimedia sobre Grupos Antiterroristes de Lliberación.
Datos: Q1259273- Multimedia: GAL (paramilitary group)